ఈ వ్యాధి వ్యాపించకుండా నీరు నిల్వ ఉన్న ప్రాంతాలలో లార్వాలను నాశనం చేసే రసాయనాలను చల్లుతున్నారు. కాన్పూర్ మునిసిపల్ కార్పొరేషన్ లో జికా కంట్రోల్ రూమ్ ను కూడా ఏర్పాటు చేశారు. ఇక్కడ నుండే ఆయా ప్రాంతాలలో నమోదవుతున్న కేసులను నిరంతరం పర్యవేక్షిస్తున్నారు. కాన్పూర్ లో ఈ స్థితి మరింత ఘోరంగా తయారయ్యే అవకాశం ఉన్నందున ఈ తరహా ఏర్పాట్లు చేశారు. బాధితులకు కౌన్సెలింగ్ కూడా అవసరం అని అధికారులు భావిస్తున్నారు, సమయానుకూలంగా ఆయా ఏర్పాట్లు కూడా చేస్తున్నారు.
వైరస్ సోకినా వారికి నిరంతరం పరిశీలిస్తున్నారు. సాధారణ జ్వరం వచ్చిన వారు కూడా ఆందోళనతో జికా వచ్చినట్టు భయబ్రాంతులకు గురికావడం జరుగుతుందని, అందుకే వారికి తగిన కౌన్సెలింగ్ కూడా ఇస్తున్నట్టు వైద్య అధికారులు తెలిపారు. ఈ నేపథ్యంలో కాన్పూర్ లో జికా పరీక్షలు ముమ్మరం చేశారు. దాదాపు 12 ప్రాంతాలలో ఈ పరీక్షలు జరుగుతున్నాయి. ఇందులో 13 కేసులు కొత్తగా బయటపడ్డాయి. అందుకే ఆయా ప్రాంతాలలో లార్వాల నివారణకు 100 బృందాలు స్ప్రే కార్యక్రమంలో పాల్గొంటున్నాయి. దాదాపు ఆయా ప్రాంతాలకు 6 కిమీ మేర ఈ కార్యక్రమం జరుగుతుంది. అధికారులు ఆయా కార్యక్రమాలను నిరంతరం పర్యవేక్షిస్తున్నారు. కేసులు మళ్ళీ పెరగకుండా ఈ తరహా చర్యలు తీసుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి