ജോജി ടീമിനോട് ബോളിവുഡ് താരം പറഞ്ഞത് ഇപ്രകാരം! ദിലീഷ് പോത്തൻ സംവിധാനം ചെയ്ത ചിത്രമാണ് ജോജി. 'തൊണ്ടിമുതലും ദൃക്സാക്ഷിയും', 'മഹേഷിന്റെ പ്രതികാരം' എന്നീ ചിത്രങ്ങൾക്ക് ശേഷം അദ്ദേഹം ചെയ്ത സിനിമയാണിത്. ചിത്രത്തിൻ്റെ മികച്ച അവതരണമാണെന്നും അഭിനേതാക്കൾ മികച്ച പ്രകടനമാണ് കാഴ്ച വെച്ചിരിക്കുന്നതെന്നുമാണ് നിരൂപകരും പ്രേക്ഷകരും ഒരേ സ്വരത്തിലാണ് ചിത്രത്തെ പ്രകീർത്തിച്ചു കൊണ്ട് രംഗത്തെത്തുന്നത്. ആമസോൺ പ്രൈമിലൂടെ പ്രേക്ഷകരിലേക്കെത്തിയ ചിത്രം മികച്ച പ്രതികരണമാണ് നേടുന്നത്. പ്രമുഖ ബോളിവുഡ് നടൻ ഗജരാജ് റാവുവാണ് ജോജി എന്ന ചിത്രത്തെ അഭിനന്ദിച്ച് രംഗത്തെത്തിയിരിക്കുന്നത്. വളരെ സരസമായി എഴുതിയിരിക്കുന്ന തുറന്ന കത്താണ് ജോജി ടീമിനായി ബോളിവുഡ് താരം എഴുതിയിരിക്കുന്നത്. ശ്യാം പുഷ്കരൻ തിരക്കഥ ഒരുക്കിയ ചിത്രത്തിനിപ്പോൾ ബോളിവുഡിൽ നിന്നു വരെ പ്രശംസ എത്തിയിരിക്കുകയാണ്. നടന്റെ കത്ത് സാനിമാ പ്രേമികളുടെ ഫേസ്ബുക്ക് കൂട്ടായ്മയിലും വൈറലായി മാറിയിട്ടുണ്ട്.
മലയാളി പ്രേക്ഷകർക്കൊപ്പം ബോളിവുഡ് സിനിമാ പ്രേക്ഷകരും താരത്തിന്റെ കത്തിൽ ശ്രദ്ധ പതിപ്പിച്ചിട്ടുണ്ട്.ചിത്രത്തിന്റെ ട്രെയിലർ പങ്കുവെച്ച് കൊണ്ടാണ് നടൻ കത്ത് പങ്കുവെച്ചിരിക്കുന്നത്. മലയാളം സിനിമാ സംവിധായകർക്കും, പ്രിയപ്പെട്ട ദിലീഷ് പോത്തനും മറ്റ് പ്രത്യേകിച്ച് ഫഹദ് ഫാസിൽ ആൻഡ് ഫ്രണ്ട്സിനും എന്ന് കുറിച്ചുകൊണ്ടാണ് കത്തിൻ്റെ തുടക്കം. താൻ ജോജി കണ്ടുവെന്നും ഇക്കാര്യം പറയുന്നതിൽ തനിക്ക് ഖേദം ഉണ്ടെന്നും താരം കുറിച്ചിരിക്കുന്നു. നിങ്ങൾ നിരന്തരം യഥാർത്ഥ ആശയങ്ങളുമായി വരുന്നതും അവ വളരെ ആത്മാർത്ഥതയോടെ അവതരിപ്പിച്ച് അത് നല്ല സിനിമയാക്കുന്നതും അത്ര ശരിയല്ലെന്നും ബോളിവുഡ് താരം തമാശ രൂപേണ കുറിച്ചിരിക്കുന്നു. എന്നാൽ പറയാതിരിക്കാനാകുന്നില്ലെന്നും മതിയാക്ക് എന്നും താരം പറയുന്നു. നിങ്ങൾ ചില സാധാരണ ജോലികളും ചെയ്യേണ്ടതുണ്ടെന്നും മടുപ്പിക്കുന്ന മാർക്കറ്റിംഗ് കാമ്പെയ്‌നുകളും പ്രെമോഷനുകളും എവിടെയാണെന്നും ആത്മാവില്ലാത്ത റീമേക്കുകൾ എവിടെയാണെന്നും താരം ചോദിക്കുന്നു.
മറ്റുള്ള പ്രാദേശിക ചിത്രങ്ങളിൽ നിന്ന് നിങ്ങൾ ഒന്നോ രണ്ടോ കാര്യങ്ങൾ പഠിക്കേണ്ടതുണ്ടെന്നും പ്രത്യേകിച്ച് ഇവിടെ ഞങ്ങളുടെ ഹിന്ദിയിൽ നിന്നാണ് അതെന്നും താരം.ഞാൻ ഈ പറഞ്ഞത് ഒന്നും നിങ്ങൾ കാര്യമായി എടുക്കില്ലാ എന്നും ഇനിയും നല്ല സൃഷ്ടികൾ ഉണ്ടായിക്കൊണ്ടിരിക്കും എന്നും ഞാൻ പ്രതീക്ഷിക്കുന്നുവെന്നും താരം ചോദിക്കുന്നു. വാരാന്ത്യ ബോക്സ് ഓഫീസ് കളക്ഷനുകളോടുള്ള ആസക്തി എവിടെയാണെന്നും ഇത് അൽപ്പം കടന്ന കൈയ്യാണെന്നും താരം പറഞ്ഞു.
അതേസമയം ടന്റെ കത്തിന് സോഷ്യൽ മീഡിയയിൽ നിറയെ കൈയ്യടികളാണ് ലഭിക്കുന്നത്. ഫഹദ് ഫാസിൽ ചിത്രം കുമ്പളങ്ങി നൈറ്റ്സിനെ കുറിച്ചും ആരാധകർ കമൻ്റ് ബോക്സുകളിൽ പരാമർശിക്കുന്നുണ്ട്. നടന്റ അഭിനയ മികവിനെ കുറിച്ചും സിനിമാപ്രേമികൾ ചൂണ്ടിക്കാട്ടുന്നുണ്ട്. ജോജിയെ മറുഭാഷാ സിനിമാ പ്രേമികളും ഇരു കൈകളും നീട്ടി സ്വീകരിച്ചിരിക്കുകയാണ് എന്നാണ് കമൻ്റുകൾ വ്യക്തമാക്കുന്നത്.
మరింత సమాచారం తెలుసుకోండి:
