తొలి చిత్రం 'ఉప్పెన' తో సునామీ లాంటి క్రేజ్ ను సొంతం చేసుకున్న హీరోయిన్ కృతి శెట్టి. మొదటి సినిమాలోనే అందం మాత్రమే కాదు నటన లోని మెలకువలు కూడా తన సొంతం అని తెలియచేసింది ఈ హీరోయిన్. నిజంగానే ఈ చిత్రం లో కృతి నటన చూసిన వారు ఎవరైనా సరే తను తొలి సినిమా ఇదేనని అస్సలు అనుకోరు. ఏదో నాలుగయిదు సినిమాలు చేసి నటనలో సీనియార్టీ పొందిన గొప్ప నటిగా అద్భుతమైన నటనను కనబరిచి అందరినీ ఆశ్చర్య పరిచింది. సాధారణంగా సినిమాలలో హీరోలకు ఎక్కువ ప్రాముఖ్యత ఉంటుంది. హీరోలను క్రాస్ చేసి క్రేజ్ పొందడం అంటే అంత సామాన్యమైన విషయమేమి కాదు.

కానీ ఉప్పెన సినిమాలో తన పాత్రకు ప్రాణం పోసి మెగా హీరో వైష్ణవ్ తేజ్ తో పాటు సమానంగా క్రెడిట్ ను పొందింది ఈ బ్యూటీ. ప్రస్తుతం ఈమె బంగార్రాజు చిత్రంలో నాగచైతన్య సరసన హీరోయిన్ గా చేసిన విషయం తెలిసిందే. కాగా ఈ సినిమాలో కూడా ఈమె పాత్ర చాలా ప్రత్యేకంగా ఉండబోతుందని తెలుస్తోంది. మరి ఈ ఉప్పెన బ్యూటీ పర్ఫామెన్స్ ఏ రేంజ్ లో ఉంటుందో అన్న ఆసక్తి అందరిలోనూ నెలకొంది. హీరోయిన్ అంటే సినిమాకి గ్లామర్ మాత్రమే కాదని కథకు కీలకం కాగల సత్తా హీరోయిన్స్ కు ఉందని ఉరకలు వేస్తున్న ఈ యంగ్ హీరోయిన్ ఈ సినిమాలో ఉప్పెన సినిమాకి మించిన క్రేజ్ ను తెచ్చుకుంటుంది అంతా ఆశిస్తున్నారు.

సినిమా 'సోగ్గాడే చిన్న నాయనా' కు కొనసాగింపుగా ఇది వస్తోంది. ఇప్పటి వరకు ఈ సినిమా నుండి విడుదలయిన పోస్టర్, టీజర్ మరియు పాట సినిమాపై మరింత క్రేజ్ ను పెంచాయి.  వచ్చే సంవత్సరం విడుదల కానున్న ఈ మూవీ హిట్ అవుతుందా లేదా అని అంత ఆసక్తిగా ఎదురుచూస్తునారు.  

మరింత సమాచారం తెలుసుకోండి: