പ്ലംബർ മണിയെ അവതരിപ്പിച്ചതിന് ശേഷമുള്ള അനുഭവങ്ങളെക്കുറിച്ച് നന്ദു! നന്ദു ഒരു കുടിയനല്ല എന്നാരും വിശ്വസിക്കില്ലായിരുന്നു മണിയെ കണ്ടാൽ. ഒരുതുള്ളി പോലും കുടിക്കാതെയാണ് താൻ ആ കഥാപാത്രത്തെ അവതരിപ്പിച്ചതെന്ന് നന്ദു പറയുന്നു. ശങ്കർ രാമകൃഷ്ണനാണ് ഈ കഥാപാത്രത്തെക്കുറിച്ച് പറഞ്ഞത്. രഞ്ജിയേട്ടന്റെ പടത്തിൽ നിങ്ങൾക്കൊരു ഉഗ്രൻ ക്യാരക്ടറുണ്ട്. ഒരു കുടിയന്റെ വേഷമാണ്. ഇതൊരു ഭയങ്കര വെള്ളമടിക്കാരന്റെ ക്യാരക്ടറാണ്,നന്നായിട്ട് ചെയ്താൽ ഭയങ്കര ഗംഭീരമാവും, ഒന്ന് സൂക്ഷിച്ച് ചെയ്തില്ലെങ്കിൽ സിനിമ കുളമാവും എന്നായിരുന്നു പറഞ്ഞത്.
വ്യത്യസ്തമായ കഥാപാത്രങ്ങളിലൂടെയായി ശ്രദ്ധ നേടിയ അഭിനേതാവാണ് നന്ദു. സ്പിരിറ്റ് എന്ന ചിത്രത്തിലെ പ്ലംബർ മണി ഏറെ ശ്രദ്ധിക്കപ്പെട്ട കഥാപാത്രമായിരുന്നു. നന്നായിട്ട് ചെയ്താൽ നിന്റെ ജീവിതം മാറും. നീ രക്ഷപ്പെടുമെന്നും പറഞ്ഞു. തീർച്ചയായും ചെയ്യാമെന്നായിരുന്നു താൻ മറുപടി കൊടുത്തതെന്ന് നന്ദു പറയുന്നു. ഇപ്പോൾ എങ്ങനെയാണോ ഉള്ളത് അതേപോലെ തന്നെയിരിക്കട്ടെ കോലം, ഇനിയങ്ങോട്ട് താടി വടിക്കുകയോ ഷേവ് ചെയ്യുകയോ വേണ്ടെന്നും പറഞ്ഞിരുന്നു. വേറെ സിനിമ കമ്മിറ്റ് ചെയ്തിട്ടുണ്ടെങ്കിൽ അത് വിടുക, പൈസ ഞാൻ തന്നെ തരുമെന്നും രഞ്ജിയേട്ടൻ പറഞ്ഞിരുന്നു. നാല് പെണ്ണുങ്ങളിലെ ക്യാരക്ടർ കണ്ടാണ് അദ്ദേഹം ഈ വേഷം തനിക്ക് തന്നതെന്നും നന്ദു പറയുന്നു. അതിന് ശേഷം തിരക്കഥയിൽ സീരിയസായൊരു ക്യാരക്ടർ രഞ്ജിയേട്ടൻ തന്നിരുന്നു.
അതിന് ശേഷമായാണ് സ്പിരിറ്റിലെ ക്യാരക്ടർ തന്നത്. അതിന് ശേഷമായാണ് കരിയറിൽ വലിയ മാറ്റങ്ങൾ വന്നത്. സിനിമ ചെയ്തിട്ട് 10 വർഷമായെങ്കിലും ഇപ്പോഴും സ്പിരിറ്റിലെ ക്യാരക്ടറിനെക്കുറിച്ച് പലരും പറയാറുണ്ട്. ഒരിക്കൽ ഒരു സ്ത്രീ വന്ന് ഇമോഷണലായി സംസാരിച്ചിരുന്നു. നിങ്ങളാണ് എനിക്കൊരു ജീവിതം തന്നതെന്ന് പറഞ്ഞ് അവരെന്റെ കൈപിടിക്കുകയായിരുന്നു. ജീവിതം തന്നോ എന്ന് ചോദിച്ച് ഞാൻ ഞെട്ടിയിരുന്നു. വിവാഹം കഴിഞ്ഞിട്ട് 36 വർഷമായി, അന്ന് മുതൽ ഭർത്താവ് ഇടിക്കാറുണ്ട്.
രണ്ട് ദിവസമായി അദ്ദേഹം കുടിക്കുകയോ പ്രശ്‌നങ്ങളുണ്ടാക്കുകയോ ചെയ്തില്ല. കാര്യമെന്താണെന്ന് അന്വേഷിച്ചപ്പോഴാണ് സ്പിരിറ്റ് എന്ന സിനിമയെക്കുറിച്ച് പറഞ്ഞത്. ഇത്രയും നാൾ ഞാൻ നിന്നെ ഇങ്ങനെയല്ലേ ചെയ്യുന്നതെന്നായിരുന്നു ചോദിച്ചത്. നിങ്ങളാണ് എനിക്ക് നല്ലൊരു ജീവിതം തന്നതെന്നായിരുന്നു അവരെന്നോട് പറഞ്ഞതെന്നുമായിരുന്നു നന്ദു പറഞ്ഞത്. ഫ്‌ളവേഴ്‌സ് ഒരുകോടിയിൽ പങ്കെടുത്തപ്പോഴായയിരുന്നു നന്ദു സ്പിരിറ്റിലെ അനുഭവങ്ങളെക്കുറിച്ച് പറഞ്ഞത്.
Find out more:
click and follow Indiaherald WhatsApp channel