മലൈക്കോട്ടൈ വാലിബൻ ലുക്കിൽ മോഹൻലാൽ! സംവിധായകൻ ലിജോ ജോസ് പെല്ലിശേരി മോഹൻലാലിനെ നായകനാക്കി ഒരുക്കുന്ന ആദ്യ സിനിമയുടെ വിവരങ്ങളൊന്നും തന്നെ പുറത്തു പോകാതെ വളരെ രഹസ്യ സ്വഭാവത്തോടെയാണ് ഷൂട്ടിംഗ് പുരോഗമിക്കുന്നത്. നാലരപ്പതിറ്റാണ്ടിൻ്റെ അഭിനയ ജീവിതത്തിൽ മോഹൻലാൽ ഇതുവരെ അവതരിപ്പിക്കാത്ത രീതിയുള്ള കഥാപാത്രത്തെയാണ് ചിത്രത്തിൽ അവതരിപ്പിക്കുന്നത്. സിനിമയുമായി ബന്ധപ്പെട്ടുള്ള ചിത്രങ്ങളൊന്നും പുറത്തു വന്നിട്ടില്ലെങ്കിലും ഇപ്പോൾ സോഷ്യൽ മീഡിയയിൽ വൈറലായിരിക്കുന്നത് മോഹൻലാലിൻ്റെ പുത്തൻ മേക്കവറാണ്. മലയാളത്തിൻ്റെ ഡ്രീം കോമ്പോ ഒന്നിച്ച മലൈക്കോട്ടൈ വാലിബനു വേണ്ടിയുള്ള കാത്തിരിപ്പിലാണ് പ്രേക്ഷകർ ഇപ്പോൾ.മഞ്ഞ കളർ ഷർട്ടണിഞ്ഞെത്തിയ താരത്തിൻ്റെ നീട്ടി വളർത്തിയ കട്ടത്താടിയിലാണ് ആരാധകരുടെ കണ്ണുടക്കിയത്.
സമീപകാലത്ത് താടിയോടെ മാത്രമാണ് മോഹൻലാലിനെ സ്ക്രീനിൽ കാണുന്നുള്ളുവെങ്കിലും ഇത്രത്തോളം നീട്ടി വളർത്തിയ താടിയിൽ ആദ്യമായാണ് സ്ക്രീനിലെത്തുന്നത്. ഇതിനു മുമ്പ് കോവിഡ് കാലഘട്ടത്തിൽ മോഹൻലാൽ സംവിധാനം ചെയ്ത ബറോസിനുവേണ്ടിയാണ് സമാനമായ രീതിയിൽ നീട്ടി വളർത്തിയ താടിയോടെ മോഹൻലാലിനെ കണ്ടത്.മലൈക്കോട്ടൈ വാലിബൻ്റെ ഷൂട്ടിംഗ് സൈറ്റിൽ കഴിഞ്ഞ ദിവസം നടന്ന പിറന്നാൾ ആഘോഷത്തിലാണ് മോഹൻലാലും ഭാഗമായത്. ഗുസ്തി പശ്ചാത്തലമാക്കി ഒരുക്കുന്ന ചിത്രത്തിൽ ചെമ്പോത്ത് സൈമൻ എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നതെന്നു വാർത്ത നേരത്തെ പരന്നിരുന്നു. കഥാപാത്രത്തിൻ്റെ പേര് എന്തു തന്നെയായാലും ഗുസ്തിക്കാരനായിട്ടാണ് മോഹൻലാൽ ഈ ചിത്രത്തിലെത്തുന്നത്. ഗുസ്തി ചാമ്പ്യനായ ദ് ഗ്രേറ്റ് ഗാമയായി മോഹൻലാൽ എത്തുന്നുവെന്നും അഭ്യൂഹം പരക്കുന്നുണ്ട്.
ഏകദേശം അമ്പതു വർഷത്തോളം എതിരാളികളില്ലാതെ അജയ്യനായി ഗുസ്തി ഗോദ ഭരിച്ച താരമാണ് ഗുലം മുഹമ്മദ് ബക്ഷ് ഭട്ട് എന്ന ഗ്രേറ്റ് ഗാമ. അതിശയ കഥാപാത്രമായി മോഹൻലാൽ എത്തുന്നുവെന്നത് ആരാധകരെ ആവേശത്തിലാക്കിയിരിക്കുകയാണ്. മലൈക്കോട്ടൈ വാലിബനിൽ വളരെ വ്യത്യസ്തമായ കഥാപാത്രത്തെയാണ് മോഹൻലാൽ അവതരിപ്പിക്കുന്നത്. അതിനായുള്ള ശാരീരികമായ മാറ്റങ്ങൾക്കായി ബോഡി ഫിറ്റ്നസിലും മോഹൻലാൽ വളരെ പ്രധാന്യം കൊടുക്കുന്നുണ്ട്. വമ്പൻ സെറ്റുകളും സിനിമയ്ക്കായി ഒരുക്കുന്നുണ്ട്. ലൊക്കേഷൻ ചിത്രങ്ങളും മറ്റു വിവരങ്ങളും പുറത്തു പോകാതിരിക്കുന്നതിനായി ഷൂട്ടിംഗ് സമയത്ത് ജൂനിയർ ആർട്ടിസ്റ്റുകളുടെ മൊബൈൽ ഫോണുകൾ വാങ്ങി സൂക്ഷിക്കുന്നുണ്ട്. ജനുവരി 18നാണ് സിനിമയുടെ ചിത്രീകരണം ആരംഭിച്ചത്.
100 ദിവസമാണ് ചിത്രത്തിൻ്റെ ആകെ ഷെഡ്യൂൾ. ഇതിൽ 80 ദിവസവും മോഹൻലാലിനെ ഭാഗമാക്കിയുള്ള സീനുകളുടെ ചിത്രീകരണം ഉണ്ടാകുമെന്നാണ് റിപ്പോർട്ടുകൾ.ത്ത് പ്രമേയമാക്കി പീരിയഡ് ഡ്രാമയായി ഒരുക്കുന്ന സിനിമയുടെ ഷൂട്ടിംഗ് രാജസ്ഥാനിലാണ് പുരോഗമിക്കുന്നത്.കളരിപ്പയറ്റിനെ ഗിന്നസ് റെക്കോർഡിൽ എത്തിച്ച ഹരികൃഷ്ണൻ ഗുരുക്കളുടെ സോഷ്ൽ മീഡിയയിലെ പോസ്റ്റ് കഴിഞ്ഞ ദിവസം ചിത്രത്തിൻ്റെ ഹൈപ് കൂട്ടുന്നതായിരുന്നു. മോഹൻലാലിനൊപ്പമുള്ള ചിത്രം പങ്കുവച്ചുകൊണ്ടാണ് താനും മലൈക്കോട്ടൈ വാബിലനിൽ ഭാഗമാകുന്നതായി ഹരികൃഷ്ണൻ ട്വീറ്റ് ചെയ്തത്. ചലച്ചിത്ര മേഖലയിൽ ഒരു നാഴികക്കല്ലായി മാറാനിരിക്കുന്ന മലൈക്കോട്ടൈ വാലിബനിൽ ഇതിഹാസ താരം മോഹൻലാലിനൊപ്പം പ്രവർത്തിക്കാൻ അവസരം ലഭിച്ചതിൽ ഞാൻ ഏറെ ആഹ്ളാദവാനാണ്.
Find out more:
click and follow Indiaherald WhatsApp channel