ചേട്ടൻ ഷർട്ട് ഊരിയാൽ അനുശ്രീയും ഷർട്ട് ഊരുമോ; ചോദിച്ചവർക്ക് അനുശ്രീയുടെ മറുപടി ഇങ്ങനെ! തന്റെ വസ്ത്രധാരണത്തെ കുറിച്ച് ഫേസ്ബുക്കിൽ വന്ന ചില മോശം കമന്റുകളെ കുറിച്ച് വെറൈറ്റി മീഡിയയ്ക്ക് നൽകിയ അഭിമുഖത്തിൽ അനുശ്രീ സംസാരിക്കുകയുണ്ടായി. എന്ത് പറഞ്ഞാലും കുറ്റം കാണുന്ന ചിലരാണ് ഫേസ്ബുക്കിൽ ഉള്ളത് എന്നാണ് അനുശ്രീ പറയുന്നത്. നാടൻ കുട്ടി എന്ന ഇമേജിൽ ഇന്റസ്ട്രിയിൽ എത്തിയതാണ് അനുശ്രീ. അനുശ്രീയ്ക്ക് വന്നിട്ടുള്ളതും അത്തരം വേഷങ്ങളാണ്. അതുകൊണ്ട് തന്നെ തുടക്കത്തിൽ അനുശ്രീ കുറച്ച് മോഡേണായ വേഷം ധരിച്ചാൽ എല്ലാവരും വിമർശിക്കുമായിരുന്നു. വന്ന് വന്ന് ഇപ്പോൾ ഫേസ്ബുക്ക് ഓൺ ആക്കാൻ കഴിയില്ല എന്ന അവസ്ഥയായി. എന്ത് പറഞ്ഞാലും കുറ്റമാണ്. ചിലപ്പോഴൊക്കെ മതി നിർത്തിയിട്ട് പോയാലോ എന്ന് ആലോചിച്ച് പോകും. നമ്മൾ പറയുന്ന കാര്യങ്ങൾക്ക് ചിന്തിയ്ക്കുക പോലും ചെയ്യാത്ത അർത്ഥം നൽകിയാണ് ചിലർ കമന്റുകൾ ഇടുന്നത്.
ഇൻസ്റ്റഗ്രാമിലെ കമന്റുകൾ അത്രത്തോളം മടുപ്പിക്കാറില്ല. അടുത്തിടെ ഒരു ഇന്റർവ്യുയിൽ ഞാൻ ഷോട്‌സ് ധരിച്ചതിനെ കുറിച്ച് പറഞ്ഞിരുന്നു. ഷോട്‌സ് ഇട്ട് പുറത്തേക്ക് ഇറങ്ങുമ്പോൾ ഈ കോലത്തിലാണോ വരുന്നത് എന്ന് ചേട്ടൻ ചോദിച്ചപ്പോൾ, അതിനെന്താ ചേട്ടൻ മുണ്ടല്ലേ ഉടുത്തത് അതിൽ ചേട്ടന്റെ മുട്ട് കാണുന്നുണ്ടല്ലോ, അപ്പോൾ ഞാൻ ഷോട്‌സ് ഇട്ടാൽ എന്താണ് പ്രശ്‌നം എന്ന് ഞാൻ ചോദിച്ചു എന്ന് ആ അഭിമുഖത്തിൽ പറഞ്ഞു. അത് കണ്ട് ഫേസ്ബുക്കിൽ വന്ന കമന്റുകൾ ഒന്നും പറയേണ്ട. ചേട്ടൻ ഷർട്ട് ഊരിയാൽ അനുശ്രീയും ഷർട്ട് ഊരുമോ എന്നൊക്കെ ചോദിച്ചുകൊണ്ട് ആണ് കമന്റുകൾ. ഇത്രയും ഫ്രസ്റ്റേറ്റഡ് ആണോ ആളുകൾ എന്ന് ഞാൻ ചിന്തിച്ചു പോയി. ഇങ്ങനെയുള്ള നെഗറ്റീവ് കമന്റ് ഇടുന്ന ഫേസ്ബുക്ക് അമ്മാവന്മാരോടും അമ്മായി മാരോടും ഒന്നും പറയാനില്ല.
നിങ്ങൾക്കൊന്നും ഒരു പണിയും ഇല്ലേ എന്ന് ചോദിക്കാനേയുള്ളൂ. എന്നെ എപ്പോഴും നാടൻ വേഷത്തിൽ കാണാനാണ് ഇഷ്ടം എന്ന് പറഞ്ഞ് ഒരുപാട് മെസേജുകൾ ആദ്യ കാലങ്ങളിൽ വരുമായിരുന്നു. അത് കാണുമ്പോൾ എനിക്ക് മടുപ്പ് വരും. പിന്നീട് ഞാൻ അതൊന്നും മൈന്റ് ചെയ്യാതെയായി. അതൊക്കെ മൈന്റ് ചെയ്തിരുന്നുവെങ്കിൽ ഒരിക്കലും എനിക്ക് മാറാൻ സാധിക്കുമായിരുന്നില്ല. നാടൻ കുട്ടി, നാട്ടിൻ പുറത്തെ ലുക്ക് എന്നൊക്കെ സ്ഥിരം വിളിക്കുന്നത് എനിക്ക് ഇഷ്ടമല്ല. സോഷ്യൽ മീഡിയയിൽ പ്രണയാഭ്യർത്ഥനകൾ ഒരുപാട് വരാറുണ്ട്. പക്ഷെ ശല്യം ചെയ്യാറില്ല. ശല്യം ചെയ്യുന്നത് ഒരാൾ മാത്രമാണ്. ഒരു അക്കൗണ്ടിൽ നിന്ന് മെസേജ് അയക്കും, അത് ഞാൻ ബ്ലോക്ക് ചെയ്യും. അപ്പോൾ അടുത്തതുമായി വരും. അങ്ങിനെ എത്ര അക്കൗണ്ടുകൾ ഞാൻ ബ്ലോക്ക് ചെയ്തു എന്ന് അറിയില്ല. എന്തോ എനിക്ക് അയാളെ ഇഷ്ടമല്ല. അയാളോട് മാത്രമേ ഒരു വിമ്മിഷ്ടം തോന്നിയിട്ടുള്ളൂ.
പക്ഷെ എന്തോ എന്നോട് ആർക്കും പ്രണയം എന്ന വികാരം അധികം തോന്നിയിട്ടില്ല. എല്ലാവർക്കും സഹോദരി അനുഭവം ആണ്. സിനിമയിലൊക്കെ വരുന്നതിന് മുൻപ് വിവാഹം കഴിച്ച് കുടുംബമായി ജീവിക്കണം എന്നൊക്കെയായിരുന്നു സ്വപ്നം. ഇപ്പോൾ എനിക്ക് വിവാഹം ഒരുപാട് ദൂരത്തുള്ള കാര്യമാണ്. ഞാൻ ഒന്ന് ഓകെ പറഞ്ഞാൽ വീട്ടുകാർ മണ്ഡപം ബുക്ക് ചെയ്യും എന്നതാണ് അവസ്ഥ. പ്രണയം ഒക്കെ ഉണ്ടായിട്ടുണ്ട്. എന്റെ കോളേജ് കാലത്താണ്. അത് കുറച്ച് സീരിയസ് ആയിരുന്നു. അയാൾ വീട്ടിൽ വന്ന് അമ്മയോടും അച്ഛനോടും സംസാരിക്കുകയൊക്കെ ചെയ്തിരുന്നു. പക്ഷെ അച്ഛൻ അന്നേ കടക്ക് പുറത്ത് എന്ന ലൈനായിരുന്നു. പിന്നീട് അത് പോലൊരു പ്രണയം ഉണ്ടായിട്ടില്ല. അദ്ദേഹം ഇപ്പോഴും വിവാഹം ചെയ്തിട്ടില്ല. എന്നെ കാത്തിരിയ്ക്കുകയൊന്നും അല്ല. പക്ഷെ ഇപ്പോഴും നല്ല സൗഹൃദം ഉണ്ട്.
Find out more:
click and follow Indiaherald WhatsApp channel