కిరణ్ అబ్బవరం దిల్ రూబా సినిమాకు అయిన ఖర్చు 16 కోట్లు .. లైలా సినిమాకు పెట్టిన ఖర్చు 25 కోట్లు .. అలాగే ఇటీవల కాలంలో సరైన హిట్ లేని సందీప్ కృష్ణ మజాకా సినిమాకు పెట్టిన ఖర్చు 25 కోట్లు .. ఇక సిద్దు జొన్నలగడ్డ జాక్ సినిమాకు ఆయన ఖర్చు 40 కోట్లు ... ఆ సినిమా కనీసం రెండు కోట్లు షేర్ కూడా రాలేదు. ఇక కళ్యాణ్ రామ్ హీరోగా చేసిన అర్జున్ సన్నాఫ్ వైజయంతి సినిమాకు 40 కోట్లు ఖర్చు పెట్టారు. ఈ సినిమా కూడా మంచి టాక్ తెచ్చుకోలేక భారీ నష్టాలు మిగిలిచేలా కనిపిస్తోంది. ఇక తమన్నా ప్రధానోపాత్రలో వచ్చిన ఓదెల టు సినిమాకు పెట్టిన ఖర్చు 25 కోట్లు .ఇలా చిన్న చిన్న సినిమాలకు కూడా నిర్మాణం భారీగా పెరుగుతుంది.
ఇందులో అధిక భాగం హీరోలకు ఆపై కొంతవరకు దర్శకులకు రెమ్యునరేషన్ గా వెళుతోంది. అక్కడితో ఆగటం లేదు కొందరు పెద్ద పెద్ద సినిమాటోగ్రాఫర్లను డిమాండ్ చేస్తున్నారు .. వాళ్లకు కూడా భారీగా ఇవ్వాల్సి వస్తోంది. చాలామంది నిర్మాతలు ఖాళీగా ఉండలేక ఏదో ఒక ప్రాజెక్టు ఎక్కించాల్సిందే అనుకుని ఏళ్ల తరబడి వరుసగా ప్లాపులు ఇస్తున్న హీరోలతో సినిమాలు తీస్తూ వారిని బతికిస్తూని బతికిస్తూ తాము చేతులు కాల్చుకుంటున్నారు. మరోవైపు సినిమాలు ప్లాప్ అవుతుంటే సమీక్షకులను తిడుతున్నారు. హిట్ ఇచ్చిన హీరోల వెంట పడుతున్నారు అంటే అర్థం ఉంది .. ఏళ్ల తరబడి డిజాస్టర్ ఇస్తున్న హీరోల వెంట ఎందుకు ప‌డతారో వారికి అర్థం కాదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి