నిత్యా మీనన్.. సౌత్ సినీ ప్రియలకు ఈ బ్యూటీని కొత్తగా పరిచయం చేయాల్సిన అవసరం లేదు. జర్నలిస్ట్ కావాలని ఆశపడిన నిత్యామీనన్ అనుకోకుండా హీరోయిన్ గా ఇండస్ట్రీలో సెటిల్ అయింది. చైల్డ్ ఆర్టిస్ట్ గా 1998లో `హనుమాన్` అనే హాలీవుడ్ ఫిల్మ్ లో యాక్ట్ చేయ‌డం ద్వారా నిత్యా తొలిసారి వెండితెర‌పై అడుగుపెట్టింది. 2006లో `7 ఓ క్లాక్` మూవీ తో కన్నడలోకి, 2008లో `ఆకాశ గోపురం` చిత్రంతో మలయాళంలోకి ప్రవేశించింది. 2011లో ప్రముఖ లేడీ డైరెక్టర్ నందిని రెడ్డి `అలా మొదలైంది` సినిమాతో నిత్యా మీనన్ ను టాలీవుడ్ కు పరిచయం చేసింది. ఈ మూవీతో ఆమె భారీ క్రేజ్ సంపాదించుకుంది. ఆ త‌ర్వాత వెన‌క్కి తిరిగి చూసుకోలేదు.


స్క్రీన్ పై గ్లామ‌ర్ షో కన్నా ప్రేక్ష‌కుల‌కు గుర్తుండిపోయే పాత్ర‌లు చేయ‌డానికి మొగ్గు చూపే న‌టీమ‌ణుల్లో నిత్యా మీన‌న్ ఒక‌రు. అదే ఆమెను ద‌క్షిణాది చిత్ర ప‌రిశ్ర‌మ‌లో ప్ర‌త్యేకంగా నిల‌బెట్టింది. గ‌త ఏడాది నేష‌న‌ల్ అవార్డు కూడా నిత్యా మీన‌న్ ను ముద్దాడింది. సినిమాల గురించి ప‌క్క‌న పెడితే.. నిత్యా మీన‌న్ అస‌లు పేరేంటో మీకు తెలుసా? బ‌హుశా ఆమె ఫ్యాన్స్ కూడా చెప్ప‌లేరేమో.


నిత్యా మీన‌న్ కు ఆమె త‌ల్లిదండ్రులు పెట్టిన పేరు `ఎన్‌.ఎస్‌.నిత్య`. ఎన్ అంటే త‌ల్లి నళిని పేరులో ఫ‌స్ట్ లెట‌ర్‌, అలాగే ఎస్ అంటే తండ్రి సుకుమార్ పేరులో ఫ‌స్ట్ లెట‌ర్ కలిపి ఎన్ఎస్ నిత్య అని పెట్టారు. అలాగే అంద‌రూ ఆమె మ‌ల‌యాళీ అనుకుంటాను. కానీ అది నిజం కాదు. నిత్య తండ్రి అయ్యర్ వర్గానికి చెందిన వారు కాగా.. తల్లి మీనన్ వర్గానికి చెందినవారు. వారింట ఇంటి పేర్ల‌ను ఉప‌యోగించ‌రు. అయితే సినిమా ఇండ‌స్ట్రీలోకి వ‌చ్చాక వృత్తి రీత్యా దేశవిదేశాలు తిరగాల్సి రావడంతో తప్పనిసరై పాస్‌పోర్ట్‌లో ఎన్‌.ఎస్‌.నిత్యను నిత్యా మీన‌న్ గా మార్చుకున్నాన‌ని ఆమె గతంలో ఓ ఇంట‌ర్వ్యూలో స్వ‌యంగా చెప్పుకొచ్చింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Nithya Menen

Kavya Nekkanti

06/07/2025 11:58 AM