ఈ సినిమా నుండి రిలీజ్ చేసిన "మీసాల పిల్ల" సాంగ్ ప్రోమో సోషల్ మీడియాలో హాట్ టాపిక్‌గా మారింది. చాలా కాలం తర్వాత మెగాస్టార్ చిరంజీవిని ఒక ప్రత్యేకమైన స్పాట్‌లో, కొత్త స్టైల్‌లో చూడటంతో మెగా ఫ్యాన్స్ ఫుల్ ఖుషీ అవుతున్నారు. పాట లిరిక్స్, బీట్, విజువల్స్ అన్నీ బాగానే ఉన్నాయని చాలామంది అంటున్నప్పటికీ, నయనతార పర్ఫార్మెన్స్ మాత్రం అంత ఆసాధారణంగా లేదని కొన్ని కామెంట్స్ వస్తున్నాయి. దీంతో సోషల్ మీడియాలో ఆ సాంగ్‌పై మిశ్రమ స్పందనలు వ్యక్తమవుతున్నాయి. ఇంకా ఆసక్తికరమైన విషయం ఏంటంటే—నయనతార కన్నా ముందుగా ఈ సినిమాలో హీరోయిన్‌గా ఒక స్టార్ హీరోయిన్‌ను అనుకోవడం జరిగిందట. కానీ అనిల్ రావిపూడి కొన్ని కారణాల వల్ల ఆమెను ఈ ప్రాజెక్ట్ నుండి తప్పించారట. ఇప్పుడు "మీసాల పిల్ల" సాంగ్ విడుదలైన తర్వాత ఆ హీరోయిన్ తన సన్నిహితుల వద్ద ఘాటుగా రియాక్ట్ అయిందని టాక్. "సాంగ్‌లో బిల్డ్-అప్ ఎక్కువ, మ్యాటర్ తక్కువ… నయనతార ఆకట్టుకోలేకపోయింది" అంటూ ఆమె అన్నట్లుగా సోషల్ మీడియాలో రకరకాలుగా వార్తలు వైరల్ అవుతున్నాయి.
అయితే ఈ వార్తల నిజానిజాలు బయటకు రాలేదు. కానీ సోషల్ మీడియాలో మాత్రం "మీసాల పిల్ల" సాంగ్ పై నెగిటివ్‌గా ట్రోల్ చేయడం జరుగుతోంది. ఇది మెగా ఫ్యాన్స్‌ను బాగా హర్ట్ చేస్తోంది. ఎందుకంటే చిరంజీవి ఏ పాట చేసినా, అది ఒక ఫెస్టివల్‌లా ఫ్యాన్స్ సెలబ్రేట్ చేస్తారు. కానీ ఈసారి నెగిటివిటీ ఎక్కువ కావడంతో వారిలో ఆవేదన వ్యక్తమవుతోంది. ఇదిలా ఉండగా, దర్శకుడు అనిల్ రావిపూడి తనదైన టైమింగ్, స్టైల్‌తో సినిమాను భారీ హిట్‌గా మార్చుతారన్న నమ్మకం ఫ్యాన్స్‌లో ఉంది. ఆయన ఇప్పటి వరకు చేసిన సినిమాల్లో కామెడీ, ఎమోషన్, యాక్షన్ అన్నీ మేళవించి మంచి ఎంటర్టైన్మెంట్ ఇచ్చిన విషయం తెలిసిందే. కాబట్టి "మన శంకర వరప్రసాద్" కూడా సంక్రాంతి బాక్సాఫీస్‌కి ఒక పెద్ద పండుగ కానుందని మెగా అభిమానులు నమ్ముతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి