ఇటీవల రవితేజ చేసిన సినిమాలను పరిశీలిస్తే, వాటిలో చాలా వరకు కొత్త దర్శకులతోనే ఉన్నాయి. ఇప్పుడు రాబోతున్న ‘మాస్ జాతర’ సినిమాతో పాటు, కిషోర్ తిరుమల, శివ నిర్వాణ, కల్యాణ్ శంకర్, వశిష్ఠ వంటి యువ దర్శకులతో ఆయన ప్రాజెక్టులు లైన్‌లో ఉన్నాయి. వీళ్లందరూ టాలెంటెడ్ అయినా.. కమర్షియల్ హిట్‌ ఉన్న స్టార్ డైరెక్టర్లు కాదనే విషయం వాస్తవం. కొత్తవారికి అవకాశాలు ఇవ్వడం మంచి విషయం అయినా మ‌ధ్య‌లో పెద్ద, స్టార్ ద‌ర్శ‌కుల‌తోనూ క‌లిసి పని చేయాలి.
ప్రస్తుతం స్టార్ దర్శకులు ఎక్కువగా టాప్ టియర్ హీరోలతోనే జట్టు కట్టే ప్రయత్నం చేస్తున్నారు. దీంతో రవితేజ వంటి మిడ్ రేంజ్ హీరోలు వారికి దూర‌మ‌వుతున్నారు. మరోవైపు, రవితేజ కూడా స్టార్ డైరెక్టర్లను సంప్రదించడంలో ఆసక్తి చూపడం లేదు. కానీ ప్రేక్షకులు ఇప్పటికీ ఆయనను మాస్ హీరోగానే ప్రేమిస్తున్నారు. కాబట్టి ఆయన మళ్లీ స్టార్ దర్శకులతో కలిసిపని చేస్తే, సినిమాలకు ప్రీ - రిలీజ్ బజ్ పెరుగుతుంది, కలెక్షన్లు కూడా కొత్త స్థాయికి చేరతాయి. మొత్తం మీద, రవితేజ దగ్గర ఇంకా ఛ‌రిష్మా , క్రేజ్ ఉంది. కానీ దానిని సరైన దిశలో వినియోగించుకోవాలి. మంచి స్క్రిప్ట్‌లతో పాటు స్టార్ దర్శకుల సపోర్ట్‌ కలిస్తే, ఆయన మళ్లీ బాక్సాఫీస్ వద్ద పాత జోష్‌ చూపించడం ఖాయం. ఇప్పుడు మాస్ మహారాజా ఆ దిశగా ఆలోచించే సమయం ఆసన్నమైంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి