ఇటీవలి కాలంలో ఆయన తన స్వంత సినిమాటిక్ యూనివర్స్‌ని సృష్టించే ప్రయత్నంలో ఉన్నాడు. “హనుమాన్” ఆ యూనివర్స్‌లో మొదటి అడుగుగా నిలిచింది. ఇప్పుడు ఆయన అదే యూనివర్స్‌లో భాగంగా “జై హనుమాన్”, “మహాకాళి” వంటి సాలిడ్ ప్రాజెక్టులను రూపొందిస్తున్నాడు. కానీ, సోషల్ మీడియాలో మాత్రం ఆయన సృజనాత్మకతపై విభిన్న అభిప్రాయాలు వ్యక్తమవుతున్నాయి. రీసెంట్ గా విడుదలైన “జై హనుమాన్” పోస్టర్‌పై నెటిజన్లు “ఇది ఏఐతో తయారు చేసిన పోస్టర్‌లా ఉంది”, “ఇది అసలు ఒరిజినల్ వర్క్ కాదు” అంటూ కామెంట్లు చేయడం ప్రారంభించారు. ఆ విషయం ఇంకా చర్చలో ఉండగానే, తాజాగా విడుదలైన “మహాకాళి” ఫస్ట్ లుక్ కూడా ఇలాంటి ట్రోలింగ్‌కు గురైంది. ఆ పోస్టర్ చూసి చాలా మంది “ఇది కూడా ఏఐ జనరేటెడ్ ఇమేజ్ లాగా ఉంది”, “ప్రశాంత్ వర్మ సృజనాత్మకత ఎక్కడ?” అంటూ ప్రశ్నిస్తున్నారు.
కొంతమంది సోషల్ మీడియా యూజర్స్ ప్రశాంత్ వర్మను నేరుగా టార్గెట్ చేస్తూ “అతను ఏఐ మీదే ఆధారపడుతున్నాడు”, “తనకు స్వంత ఐడియాలు లేవు” అంటూ విమర్శలు గుప్పిస్తున్నారు. మరి కొంతమంది మాత్రం దీనిని సీరియస్‌గా తీసుకుని, దర్శకుడిని కావాలనే ఇలాంటి ట్రోలింగ్ ద్వారా కించపరచడానికి ప్రయత్నం జరుగుతోందని చెబుతున్నారు. ఇక అభిమానుల విషయం వస్తే, వారు మాత్రం ప్రశాంత్ వర్మకు మద్దతుగా నిలుస్తున్నారు. “ఓరి దుర్మాగుల్లారా, ఇంత ప్రతిభావంతుడైన డైరెక్టర్‌పై ఎందుకు ఇంత పగ పట్టారు?”, “హను మాన్ లాంటి సినిమా తీసిన వ్యక్తి ఏఐకి అవసరం పడతాడా?” అంటూ ఆగ్రహం వ్యక్తం చేస్తున్నారు. అభిమానుల అభిప్రాయం ప్రకారం, ప్రశాంత్ వర్మ లాంటి దర్శకుడు తెలుగు సినీ ప్రపంచానికి ఒక కొత్త దిశ చూపిస్తున్నాడని, ఆయన ప్రయోగాత్మకతను ప్రోత్సహించాలి గానీ, దూషించకూడదని అంటున్నారు.
మరి ప్రశాంత్ వర్మ స్వయంగా ఈ విమర్శలపై ఇప్పటివరకు పెద్దగా స్పందించలేదు కానీ, ఇండస్ట్రీలో ఉన్నవారి మాటల ప్రకారం ఆయన వీటిని గమనిస్తున్నారని, భవిష్యత్ ప్రాజెక్టుల్లో విజువల్ ప్రెజెంటేషన్‌ను కొత్త స్థాయికి తీసుకెళ్లేలా రూట్ మార్చబోతున్నారని తెలుస్తోంది.ఇలా ఒకవైపు సోషల్ మీడియాలో విమర్శలు వెల్లువెత్తుతుండగా, మరోవైపు ఆయన అభిమానులు, సినీ ప్రియులు మాత్రం ప్రశాంత్ వర్మపై నమ్మకాన్ని చూపిస్తున్నారు. వారి నమ్మకం ఒక్కటే — “ప్రశాంత్ వర్మ ఎప్పుడు కొత్తదనం తీసుకువస్తాడు, తెలుగు సినిమాకు కొత్త అధ్యాయం రాస్తాడు.”ఇక రాబోయే “మహాకాళి” సినిమా ఆ అంచనాలను ఎంతవరకు నెరవేర్చుతుందో, సోషల్ మీడియా విమర్శలకు ఎలా సమాధానం ఇస్తుందో చూడాలి. కానీ ఒక విషయం మాత్రం ఖాయం — ప్రశాంత్ వర్మ పేరు అంటే టాలీవుడ్‌లో ఇప్పుడు సృజనాత్మకతకు మరో పేరు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి