అయితే ఈ ఊహాగానాలు ఊపందుకోవడంతో పరిస్థితి మరింత సీరియస్‌గా మారింది. ఫ్యాన్స్, మీడియా వర్గాలు, ట్రేడ్ సర్కిల్స్ అంతా “డివివి ఎంటర్టైన్‌మెంట్స్ నుంచి అధికారిక స్టేట్‌మెంట్ వస్తుందా?” అంటూ వేచి చూశారు. చివరికి, డివివి ఎంటర్టైన్‌మెంట్స్ తరఫున ఒక అధికారిక ప్రెస్ నోట్ విడుదలై అన్ని రూమర్స్‌కి బ్రేక్ వేసింది.ఆ ప్రెస్ నోట్‌లో వారు స్పష్టంగా పేర్కొన్నారు – “మా సంస్థకు దర్శకుడు ప్రశాంత్ వర్మతో ఎటువంటి ఆర్థిక లావాదేవీలు జరగలేదు. ఆయనకు ఎటువంటి అడ్వాన్స్‌ చెల్లింపులు ఇవ్వలేదు. అలాగే మాతో ఏ సినిమా ప్రాజెక్ట్ గురించి చర్చలు జరగలేదు. ప్రస్తుతం సోషల్ మీడియాలో ప్రచారంలో ఉన్న వార్తలు పూర్తిగా నిరాధారం. దయచేసి ఇలాంటి అసత్య సమాచారం నమ్మవద్దు, పంచవద్దు” అని పేర్కొన్నారు.
ఈ అధికారిక క్లారిటీతో సోషల్ మీడియాలో జరుగుతున్న గాసిప్స్ ఒక్కసారిగా కూల్ అయ్యాయి. ఎందుకంటే, కొద్ది గంటల క్రితమే “ప్రశాంత్ వర్మ - డివివి కలయిక భారీ స్థాయిలో జరగబోతోందట” అని కొన్ని పేజీలు పోస్టులు వేయగా, మరికొన్ని మాత్రం “డబ్బులు తీసుకుని ప్రాజెక్ట్ వదిలేశాడు” అంటూ నెగిటివ్ గా ట్రోల్ చేయడం మొదలుపెట్టాయి. కానీ ఇప్పుడు డివివి ఎంటర్టైన్‌మెంట్స్ ఇచ్చిన ఈ ప్రెస్ నోట్తో ఆ ప్రచారాలకు పూర్తిగా ముగింపు పలికినట్టే.ప్రశాంత్ వర్మ విషయానికొస్తే – ఆయన ఇప్పుడు తన సూపర్ హీరో యూనివర్స్ మీద దృష్టి పెట్టారు. హనుమాన్ సినిమా విజయంతో దేశవ్యాప్తంగా గుర్తింపు తెచ్చుకున్న ఆయన, ప్రస్తుతం అదే యూనివర్స్‌లో మరో భారీ ప్రాజెక్ట్‌ను రూపొందిస్తున్నారు. ఈ సమయంలో ఇలా తప్పుడు రూమర్స్ రావడం ఆయన ఫ్యాన్స్‌కు కూడా నిరాశ కలిగించింది. ప్రస్తుతానికి, “ప్రశాంత్ వర్మ డివివి ఎంటర్టైన్‌మెంట్స్‌ను చీట్ చేశాడన్న వార్తలు పూర్తిగా అబద్ధం” అని స్పష్టంగా చెప్పవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి