ఈ సారి మాత్రం పాన్-ఇండియా మార్కెట్‌ను లక్ష్యంగా పెట్టుకుని ప్రమోషన్స్‌ను భారీ స్థాయిలో ప్లాన్ చేస్తున్నారు. దానికి నిదర్శనంగా మేకర్స్ ముంబైలోని పీవీఆర్ జుహూలో ‘అఖండ 2’ ఫస్ట్ సింగిల్‌ను గ్రాండ్‌గా లాంచ్ చేశారు. సాధారణంగా బాలయ్య సినిమాల ప్రమోషన్స్ హైదరాబాద్ లేదా ఆంధ్రప్రదేశ్/తెలంగాణ ప్రాంతాలకు మాత్రమే పరిమితం అవుతూ ఉండేవి. కానీ ఈసారి హిందీ మార్కెట్‌పై ప్రత్యేక దృష్టి పెట్టి బాలయ్య సినిమా ప్రమోషన్లు నేరుగా ముంబైలో మొదలు కావడం ఇప్పుడు ఇండస్ట్రీలో హాట్ టాపిక్ అయింది. ఈ ఈవెంట్‌తో సినిమా ప్రమోషన్స్ దేశవ్యాప్తంగా అధికారికంగా స్టార్ట్ అయ్యాయి.
సంగీత దర్శకుడు ఎస్‌. తమన్ ఇప్పటికే మొదటి భాగమైన అఖండతో కల్ట్ రేంజ్ బిజీయం అందించారు. “జై బాలయ్య” అంటూ అభిమానులను ఉద్రేకానికి గురిచేసిన అనేక థీమ్స్ ఇప్పటికీ ట్రెండింగ్‌లోనే ఉన్నాయి. ఈ సారి కూడా మరింత భారీ స్థాయి సౌండ్ డిజైన్, థంపింగ్ భ్జీఎమ్, పేలుడు స్థాయిలో పాడేలా నిలిచే పాటలను అందించేందుకు తమన్ తన బెస్ట్ ఇచ్చాడని స్పష్టంగా తెలుస్తోంది. లాంచ్ చేసిన నాలుగు నిమిషాల ఫస్ట్ సింగిల్‌లో బాలయ్య పవర్‌ఫుల్ అవతారంలో దర్శనమిచ్చి అభిమానులను తెగ ఉత్సాహపరిచాడు. ఈ గీతం వింటేనే థియేటర్లలో బాలయ్య ఇంపాక్ట్ ఏ స్థాయిలో ఉండబోతోందో అంచనా వస్తుంది.14 రీల్స్ ప్లస్ బ్యానర్‌పై భారీ బడ్జెట్‌తో రూపొందుతున్న ‘అఖండ 2 : తాండవం’ ప్రపంచవ్యాప్తంగా డిసెంబర్ 5న గ్రాండ్‌గా విడుదల కానుంది. విడుదలకు ముందే అభిమానులు సోషల్ మీడియాలో “తాండవం మొదలైంది” అంటూ భారీ ట్రెండ్స్ క్రియేట్ చేస్తున్నారు. ప్రత్యేకంగా బాలయ్య మాస్ స్క్రీన్ ప్రెజెన్స్‌కు ఈ సీక్వెల్ మరింత ఎత్తున నిలబడబోతోందనే నమ్మకం ఫ్యాన్స్‌లో ఉంది. అఖండ 2 : తాండవం కేవలం ఒక సినిమా కాదు, బాలయ్య ఫ్యాన్స్‌కు ఓ మాస్ ఫెస్టివల్..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి