తాజా సమాచారం ప్రకారం, బ్రిటన్ ఉన్నతస్థాయి వర్గాలు ఇరాన్‌కు ఓ అల్టిమేటం జారీ చేసినట్లు తెలుస్తోంది. "చూడండి, ఇజ్రాయెల్‌పై మీరు ఎన్ని దాడులు చేసుకున్నా మాకు పెద్దగా అభ్యంతరం ఉండకపోవచ్చు. అది మీ వ్యక్తిగత వ్యవహారం. కానీ, ఒక్క అమెరికన్ పౌరుడికి గానీ, అమెరికా సైనిక స్థావరాలకు గానీ చిన్న నష్టం వాటిల్లినా, మేమంతా ఏకతాటిపైకి వస్తాం. అప్పుడు మీ అంతు చూడక మానం" అన్నది ఆ హెచ్చరికల సారాంశంగా అంతర్జాతీయ మీడియా కోడై కూస్తోంది.
ఈ తీవ్ర హెచ్చరిక వెనుక నాటో కూటమి అండ స్పష్టంగా కనిపిస్తోంది. ఒకవేళ ఇరాన్ నిజంగా అమెరికా ప్రయోజనాలపై ప్రత్యక్ష దాడులకు తెగబడితే, అది నాటో కూటమిలోని సభ్యదేశంపై జరిగిన దాడిగా పరిగణించబడుతుంది. నార్త్ అట్లాంటిక్ ట్రీటీలోని ఆర్టికల్ 5 ప్రకారం, నాటోలోని ఏ ఒక్క దేశంపై దాడి జరిగినా, సభ్యదేశాలన్నీ కలిసికట్టుగా యుద్ధంలోకి దూకాల్సిందే. "ఈ నిబంధనను మేం కచ్చితంగా అమలు చేస్తాం, ఇరాన్ ఎలాంటి సాహసాలకు పాల్పడినా, నాటో సైన్యం రంగప్రవేశం చేయడం తథ్యం" అని బ్రిటన్ ప్రధానమంత్రి కీర్ స్టార్మర్ కుండబద్దలు కొట్టినట్లు చెబుతున్నారు.
ఈ పరిణామాలన్నీ చూస్తుంటే, ప్రపంచం మూడో ప్రపంచ యుద్ధం ముంగిట నిలిచిందా అన్న భయానక దృశ్యాలు కళ్లముందు కదులుతున్నాయి. నిజానికి, కేవలం నాటో-ఇరాన్ మధ్య ఘర్షణ జరిగితే దాన్ని ప్రపంచ యుద్ధంగా పరిగణించలేకపోవచ్చు. కానీ, ఇరాన్‌కు బాసటగా రష్యా, చైనా వంటి అణుశక్తి దేశాలు కనుక రంగంలోకి దిగితే, అప్పుడు మాత్రం అది నిస్సందేహంగా మూడో ప్రపంచ యుద్ధమే అవుతుంది. ఒకవేళ ఆ రెండు దేశాలు తటస్థంగా ఉండిపోతే, గతంలో ఇరాక్‌కు పట్టిన గతే ఇరాన్‌కూ పడుతుందని, అగ్రరాజ్యాల సైనిక శక్తి ముందు ఇరాన్ నిలవలేదని అంతర్జాతీయ రక్షణ రంగ నిపుణులు విశ్లేషిస్తున్నారు.
ఈ ఉత్కంఠ పరిణామాల నేపథ్యంలో, ఇరాన్ తదుపరి అడుగులు ఎలా ఉండబోతున్నాయో అన్నది సర్వత్రా ఆసక్తి రేపుతోంది. ప్రపంచ శాంతి ఇప్పుడు ఇరాన్ విజ్ఞత మీదే ఆధారపడి ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి