కానీ ఆయనపై రాష్ట్రస్థాయి రాజకీయాలు, పాలనా బాధ్యతలు ఎక్కువగా ఉండటంతో నియోజకవర్గానికి తగిన సమయం కేటాయించడం కష్టమవుతోంది. ఈ కారణంగానే వ్యతిరేకత వాదనలు తెరమీదకు వస్తున్నాయి. పిఠాపురంలో కొంతమంది స్థానిక నేతలు తీరుపై కూడా పవన్ ప‌ట్ల అసంతృప్తికి కార‌ణ‌మ‌వుతోంది. ఈ అసంతృప్తి కారణంగా చిన్న చిన్న విభేదాలు బయటపడుతున్నాయి. రాజకీయ ప్రత్యర్థులు కూడా ఈ పరిస్థితిని ప్రయోజనంగా మలుచుకోవడానికి ప్రయత్నిస్తున్నారు. మరోవైపు, పవన్ కళ్యాణ్ అభిమానం, క్రేజ్ పిఠాపురంలో ఇంకా బలంగానే కొనసాగుతోంది. ఆయన సింపుల్ లైఫ్‌స్టైల్, మాట నిలబెట్టుకోవాలన్న తపన, అవినీతి వ్యతిరేక వైఖరి వంటివి యువతలో విశ్వాసాన్ని పెంచుతున్నాయి.
పవన్ స్థానిక సమస్యలపై శ్రద్ధ పెట్టి త్వరితగతిన పరిష్కారానికి కృషి చేస్తే వ్యతిరేకత ఒక్కసారిగా తగ్గిపోవడం ఖాయం అని విశ్లేషకులు చెబుతున్నారు. పిఠాపురంలో పవన్ కళ్యాణ్‌పై వ్యతిరేకత ఉందంటున్నా.. అది పవన్ వల్ల కాద‌నే వారు ఉన్నారు. పవన్ స్థానిక సమస్యలపై దృష్టి పెట్టడం, ప్రజలతో మరింత అనుబంధం కొనసాగించడం ద్వారా ఈ వ్యతిరేకతను మద్దతుగా మార్చుకునే అవకాశం ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి