అయితే మన వాళ్ళు కష్ట పడిన సమయంలో ఏమైతే చిన్న చిన్న సంతోషాలు, సరదాలు కోల్పోయారో వాటన్నింటినీ తలుచుకుంటూ బాధపడతారు. ఇటువంటి వారంతా కొన్ని విషయాలు తెలుసుకోవలసిన అవసరం ఉంది. మనము ఎన్ని కష్టాల్లో ఉన్నా, ఎంత బిజీగా ఉన్నా కొన్ని సంతోషాలను మరియు ఆనందాలను అనుభవిస్తూ ఉండాలి. అప్పుడే వారు పడుతున్న కష్టాన్ని సైతం అది మరిచి పోయేలా చేస్తుంది. అయితే చాలా మంది మాత్రం మనము అనుకున్న టార్గెట్ అయిన తర్వాతే అన్నీ అని మంకు పట్టుకుకూర్చుంటారు. ఇలాంటి పద్ధతి సరైనది కాదు.
విజయం సాధించిన తర్వాతే అన్ని సంతోషాలు అనుకుంటే, ఇక జీవితంలో చాలా మందికి సంతోషం దూరమైనట్టే. మీరు గెలుపు కోసం చేసే పోరాటంలో సంతోషాన్ని వెతుక్కోవాలి. ఇకనైనా ఈ విషాయంలో మీ వైఖరిని మార్చుకోండి. ప్రతి నిముషం సంతోషంగా ఉండండి. గెలుపు ఎక్కడో లేదు, మీ సంతోషంలోనే ఉందని గ్రహించండి. మీకు దగ్గరయ్యే ఆనందాలను లక్ష్యం పేరుతో దూరం చేసుకోకండి.
