ഗർഭ കാലത്ത് കുങ്കുമപ്പൂ അരുത്, അതും ആ മൂന്നു മാസനങ്ങളിൽ.  കുങ്കുമപ്പൂ പാലില്‍ കലക്കി ഗര്‍ഭകാലത്തു കഴിച്ചാല്‍ കുഞ്ഞിന് നല്ല നിറം എന്ന ഒന്ന്. ഇത് പണ്ടു കാലം മുതല്‍ തന്നെ കേട്ടു വരുന്ന, ഇതു കൊണ്ടു തന്നെ പല ഗര്‍ഭിണികളും ചെയ്തു വരുന്ന ഒന്നാണ്. ഏറെ വില കൂടിയ സാഫ്രണ്‍ എന്നറിയപ്പെടുന്ന ഈ പുഷ്പം ഉണക്കിയാണ് ലഭിയ്ക്കുക. ഇത് ഒന്നോ രണ്ടോ നാരുകള്‍ പാലില്‍ കലക്കി ഗര്‍ഭിണികള്‍ കുടിയ്ക്കുന്ന രീതിയാണ് നിലവിലുള്ളത്. ഇത് മുഖത്ത് സൗന്ദര്യം വര്‍ദ്ധിപ്പിയ്ക്കാന്‍ ഉപയോഗിയ്ക്കുന്ന സ്ത്രീകളും ധാരാളമുണ്ട്.

 

 

   എന്നാല്‍ ഗര്‍ഭകാലത്ത് കുങ്കുമപ്പൂ കഴിയ്ക്കുമ്പോഴും ശ്രദ്ധിയ്‌ക്കേണ്ട പല കാര്യങ്ങളുമുണ്ട്.എന്നാല്‍ വാസ്തവത്തില്‍ കുങ്കുമപ്പൂ കഴിയ്ക്കുന്നതു കൊണ്ട് കുഞ്ഞിനു നിറം വയ്ക്കുന്നില്ലെന്നതാണ് വാസ്തവം. ഇത് കുഞ്ഞിന്റെ ജീനുകള്‍ അനുസരിച്ചിരിയ്ക്കും. മാതാപിതാക്കള്‍ക്കു നിറമെങ്കില്‍ കുഞ്ഞിനും സാധ്യത എന്നു പറയാം. അല്ലാതെ കുങ്കുമപ്പൂ കഴിച്ചാല്‍ കുഞ്ഞിന് നിറം കൂടുമെന്നുമൊന്നും സയന്‍സ് വിശദീകരണമില്ല.ഗര്‍ഭകാലത്ത് ഗര്‍ഭിണി കുങ്കുമപ്പൂ കഴിയ്ക്കുന്നത് പ്രധാനമായും കുഞ്ഞിന് നിറം എന്നത് ഉദ്ദേശിച്ചാണ്.

 

 

 

  പണ്ടു കാലം മുതല്‍ നാം പറഞ്ഞു കേള്‍ക്കുന്നതും ഇതാണ്. എന്നാല്‍ ഗര്‍ഭിണി കുങ്കുമപ്പൂ കഴിയ്ക്കുന്നതിനാല്‍ മറ്റു പല ഗുണങ്ങളുമുണ്ട്. ആരോഗ്യപരമായ പല ഗുണങ്ങളും ഇതില്‍ നിന്നും ലഭിയ്ക്കും. ഇതില്‍ ധാരാളം ആന്റി ഓക്‌സിഡന്റുകള്‍ അടങ്ങിയിട്ടുണ്ട്. ഇതിനാല്‍ തന്നെ ഗര്‍ഭകാലത്തുണ്ടാകുന്ന സ്‌ട്രെസ്, ടെന്‍ഷന്‍, മൂഡുമാറ്റം തുടങ്ങിയ പല പ്രശ്‌നങ്ങള്‍ക്കുമുണ്ടാകുന്ന പ്രധാന പരിഹാരമാണിത്. ഇതു ഹോര്‍മോണ്‍ പ്രക്രിയകളെ നിയന്ത്രിയ്ക്കുന്നതാണ് കാരണം.

 

 

 

   ഗര്‍ഭകാലത്തുണ്ടാകുന്ന സ്‌ട്രെസും ടെന്‍ഷനുമെല്ലാം തന്നെ കുഞ്ഞിന് ദോഷം വരുത്തും. കുഞ്ഞിന്റെ മാനസികാവസ്ഥയെ തന്നെ ദോഷകരമായി ബാധിയ്ക്കുകയും ചെയ്യും. കുങ്കുമപ്പൂ കഴിക്കുന്നത് ദഹനം മെച്ചപ്പെടുത്താൻ സഹായിക്കും. ഇത് കഴിക്കുന്നതിലൂടെ ശരീരത്തിന്റെ എല്ലാ ഭാഗത്തും രക്തം ഒരുപോലെ എത്തപ്പെടുകയും ഗർഭിണിയിലെ വിശപ്പും ദഹനപ്രക്രിയയും മെച്ചപ്പെടാൻ സഹായിക്കുകയും ചെയ്യും. അസിഡിറ്റിക്ക് ആശ്വാസം നൽകാനും കുങ്കുമപ്പൂ കഴിച്ചാൽ മതി.

 

 

 

   എന്നാല്‍ ബൈപോളാര്‍ ഡിസോര്‍ഡര്‍ പോലുള്ള പ്രശ്‌നങ്ങളെങ്കില്‍ , അതായത് പെട്ടെന്നു സന്തോഷം അടുത്ത നിമിഷം സങ്കടവും ദേഷ്യവും, എക്‌സൈറ്റ്‌മെന്റ് തുടങ്ങിയ അവസ്ഥകളെങ്കില്‍ ഇതുപയോഗിയ്ക്കുന്നത് ഡോക്ടറുടെ നിര്‍ദേശപ്രകാരം മാത്രം മതിയാകും. പ്രത്യേകിച്ചും ഇതിനു മരുന്നു കഴിയ്ക്കുന്നവര്‍. ഗർഭ കാലത്ത് മിക്ക സ്ത്രീകൾക്കുമുണ്ടാകുന്ന പ്രശ്നങ്ങളാണ് സന്ധിവേദനയും പേശിവേദനയും. ഇത്തരം വേദനകൾ ലഘൂകരിക്കാനുള്ള ഏറ്റവും മികച്ച മാർഗ്ഗങ്ങളിലൊന്നാണ് കുങ്കുമപ്പൂ.

 

 

 

  പല സ്ത്രീകള്‍ക്കും ശരീര തൂക്കം വര്‍ദ്ധിയ്ക്കുന്നതു കൊണ്ടുണ്ടാകുന്ന കാല്‍വേദന പോലുളള പ്രശ്‌നങ്ങള്‍ക്കുള്ള പരിഹാരം കൂടിയാണിത്.ഗര്‍ഭകാലത്തു സ്ത്രീകള്‍ക്ക് പല തരത്തിലുള്ള ശാരീരിക വേദനകള്‍ സാധാരണയാണ്. ഇതിനുള്ള നല്ലൊരു പരിഹാരമാണിത്. ഗർഭിണികളിൽ സാധാരണമായി കാണപ്പെടുന്ന വയറു വേദനയെ പ്രതിരോധിക്കാനും കുങ്കുമപ്പൂവിന്‌ കഴിയും. കൂടാതെ ഗർഭകാലത്ത് പൊതുവെ കാണപ്പെടാറുള്ള കൈകാലുകളിലെ ഞരമ്പ് വലിച്ചിൽ തടയാനും കുങ്കുമപ്പൂവിന്‌ കഴിയും.

 

 

 

   ബിപി മരുന്നു കഴിയ്ക്കുമ്പോള്‍ ഇതിനൊപ്പം കുങ്കുമപ്പൂ കഴിയ്ക്കുമ്പോള്‍ വല്ലാതെ ബിപി കുറയുന്നില്ലെന്നതും ഉറപ്പുവരുത്തണം. ഇതു പോലെ നല്ല ഉറക്കം കിട്ടാനും കുങ്കുമപ്പൂ നല്ലതാണ്. ഉറക്കക്കുറവ് പല ഗര്‍ഭിണികളേയും ദോഷകരമായി ബാധിയ്ക്കും. ഇത് ഹോര്‍മോണ്‍ പ്രശ്‌നങ്ങളുണ്ടാക്കും. പ്രസവമടുക്കുമ്പോള്‍ കുങ്കുമപ്പൂ കഴിച്ചാല്‍ ഇത് ഗര്‍ഭാശയ മുഖം മൃദുവാക്കാന്‍, ഇത് അകലാന്‍ സഹായിക്കും. ഇത് സ്വാഭാവിക പ്രസവത്തെ സഹായിക്കുന്നു. കുങ്കുമപ്പൂവിന് ഈ ഗുണം ചിലപ്പോള്‍ ദോഷം ചെയ്യും.

 

 

 

   കാരണം കുങ്കുമപ്പൂ ഗര്‍ഭാശയത്തില്‍ വികാസവും ചുരുങ്ങലും ഉണ്ടാക്കിയാണ് പ്രസവത്തിന് സഹായിക്കുന്നത്. എന്നാല്‍ മാസം തികയാത്ത പ്രസവത്തിന് സാധ്യതയെങ്കില്‍ ഇതൊഴിവാക്കുക. ഇതു പോലെ ഗര്‍ഭം ധരിച്ച് ആദ്യ മാസവും ഇതൊഴിവാക്കാം. ദിവസവും 1.5 ഗ്രാം കുങ്കുമപ്പൂ വരെ കഴിയ്ക്കാം. എന്നാല്‍ 30 മില്ലിഗ്രാം കഴിച്ചാല്‍ തന്നെ ഗുണം ലഭിയ്ക്കും. പാലില്‍ ഇട്ടു കഴിയ്ക്കാന്‍ താല്‍പര്യമില്ലാത്തവര്‍ പലഹാരങ്ങളിലോ ഭക്ഷണത്തിലോ ഇല്ലെങ്കില്‍ ഇത് ഒന്നോ രണ്ടോ എണ്ണം വെള്ളത്തിനൊപ്പം ചവച്ചരച്ചു കഴിയ്ക്കാം.

 

 

 

   അമിതമായി ഇത് കഴിയ്ക്കുന്നത് ദോഷകരമാണ് എന്നു കൂടി ഓര്‍ക്കണം.ഗര്‍ഭകാലത്തു സ്ത്രീകള്‍ക്ക് പല തരത്തിലുള്ള ശാരീരിക വേദനകള്‍ സാധാരണയാണ്. ഇതിനുള്ള നല്ലൊരു പരിഹാരമാണിത്. ഗർഭിണികളിൽ സാധാരണമായി കാണപ്പെടുന്ന വയറു വേദനയെ പ്രതിരോധിക്കാനും കുങ്കുമപ്പൂവിന്‌ കഴിയും.     

మరింత సమాచారం తెలుసుకోండి: