ఇంకొంతమంది మరింత దారుణంగా వ్యవహరిస్తున్నారు. ప్రేమ అనే ముసుగు వేసుకుని.. నువ్వు లేకుండా బ్రతకలేను అంటూ వెంట పడటం.. ఇక ఆ తర్వాత శారీరక అవసరాలు తీర్చుకుని నడిరోడ్డు మీద వదిలేయటం లాంటి ఘటనలు కూడా వెలుగులోకి వస్తున్నాయి. ఇంకొంతమంది మంచి వాళ్ళం అనే ముసుగులో పరిచయం పెంచుకొని చివరికి సమయం కోసం ఎదురు చూసి ఆ తర్వాత వారి నిజస్వరూపం బయట పెడుతూ ఆడపిల్లల జీవితాలు నాశనం చేస్తున్నారు. ఇక్కడ ఇలాంటి తరహా ఘటన వెలుగులోకి వచ్చింది. హైదరాబాద్ నగర శివార్లలో ఆలస్యంగా వెలుగులోకి వచ్చిన ఘటన అందరిని ఆశ్చర్యానికి గురి చేస్తోంది.
రాజేంద్ర నగర్ కు చెందిన ఓ యువతికి వాట్సాప్ ద్వారా ఒక యువకుడు దగ్గరయ్యాడు. ఇక ఆ తర్వాత న్యూడ్ చాటింగ్ కు తెరతీశాడు. ఇక అతని మాయలో పడి పోయిన యువతి నగ్నంగా అతని తో చాటింగ్ చేయడం మొదలు పెట్టింది. అయితే ఆ చాటింగ్ మొత్తం సేవ్ చేసుకొని చివరికి బ్లాక్మెయిల్ చేయడం మొదలు పెట్టాడు ఆ యువకుడు. బలవంతంగా ఫ్రెండ్ రూమ్ కి పిలిచి యువతిపై అత్యాచారం చేశాడు. ఇక రోజు రోజుకూ అతని వేధింపులు ఎక్కువ కావడంతో పరిస్థితి భరించలేకపోయిన యువతి పోలీసులను ఆశ్రయించి ఫిర్యాదు చేయగా నిందితుని అరెస్టు చేసి విచారిస్తున్నారు పోలీసులు.
