ഗൂഗിൾ മാപ്പിൽ എങ്ങനെ അടുത്തുള്ള കൊവിഡ്-19 ടെസ്റ്റിംഗ് കേന്ദ്രങ്ങൾ കണ്ടു പിടിക്കാം? തൊട്ടടുടുത്തുള്ള കൊവിഡ്-19 ടെസ്റ്റിംഗ് കേന്ദ്രം ഏതെന്നറിയാൻ ഗൂഗിൾ അസിസ്റ്റന്റ്, ഗൂഗിൾ സെർച്ച്, ഗൂഗിൾ മാപ്‌സ് എന്നിവയിലേതെങ്കിലും നിങ്ങളുടെ സ്മാർട്ട് ഫോണിലുണ്ടെങ്കിൽ എളുപ്പമാണ്. കൊറോണ അഥവാ കൊവിഡ്-19 ടെസ്റ്റിംഗ് നടത്തേണ്ടവർക്ക് തൊട്ടടുത്തുള്ള കേന്ദ്രം എവിടെ എന്ന് എളുപ്പത്തിൽ മനസ്സിലാക്കാൻ പാകത്തിനുള്ള സുപ്രധാന അപ്‌ഡേറ്റ് കഴിഞ്ഞ ദിവസം ആണ് ടെക് ഭീമൻ ഗൂഗിൾ അവതരിപ്പിച്ചത്. ഇംഗ്ലീഷിലും മലയാളത്തിലും കൂടാതെ ഹിന്ദി, ബംഗാളി, തെലുങ്ക്, തമിഴ്, കന്നഡ, മറാത്തി, ഗുജറാത്തി ഉൾപ്പെടെ എട്ട് ഇന്ത്യൻ ഭാഷകളിലും ലഭ്യമാണ്. രാജ്യത്തെവിടെയുമുള്ള കൊവിഡ്-19 ടെസ്റ്റിംഗ് കേന്ദ്രങ്ങളെപ്പറ്റിയുള്ള വിവരങ്ങളും മേല്പറഞ്ഞ 3 ആപ്പിൽ നിന്നും ഇനി ലഭ്യമാണ്.


അസിസ്റ്റന്റ്, സെർച്ച്, മാപ്‌സ് അപ്പുകളിൽ രാജ്യത്തെ 700-ൽ അധികം കൊവിഡ്-19 ടെസ്റ്റിംഗ് കേന്ദ്രങ്ങളുടെ വിവരങ്ങൾ സജ്ജീകരിച്ചിട്ടുണ്ട് എന്ന് ഗൂഗിൾ വ്യക്തമാക്കുന്നു.തൊട്ടടുത്തുള്ള കൊവിഡ്-19 ടെസ്റ്റിംഗ് കേന്ദ്രം ഏതാണെന്ന് വെളിപ്പെടുത്തുക മാത്രമല്ല ആ ടെസ്റ്റിംഗ് സെന്ററുകളുമായി ബന്ധപ്പെട്ട സുപ്രധാനമായ എല്ലാ വിവരങ്ങളും ഇനി നിങ്ങളുടെ വിരൽത്തുമ്പിൽ ലഭിക്കും. ടെസ്റ്റിംഗിനുള്ള നിയന്ത്രണങ്ങൾ, കോൺ‌ടാക്റ്റ് വിശദാംശങ്ങൾ, കൊവിഡ്-19 ടെസ്റ്റിംഗ് കേന്ദ്രം സർക്കാരിന്റേതാണോ? അതോ സ്വകാര്യ സ്ഥാപനമാണോ?, ടെസ്റ്റ് നടത്താൻ റഫറൽ ആവശ്യമാണോ തുടങ്ങിയ ഒരു പിടി വിവരങ്ങൾ ഈ അപ്ഡേറ്റ് വഴി ഗൂഗിൾ അസിസ്റ്റന്റ്, ഗൂഗിൾ സെർച്ച്, ഗൂഗിൾ മാപ്‌സ് അപ്പുകളിൽ സജ്ജീകരിച്ചിട്ടുണ്ട്.



ഗൂഗിൾ മാപ്‌സ് അപ്ലിക്കേഷൻ തുറക്കുക, സെർച്ച് ബാറിൽ 'കോവിഡ് -19 ടെസ്റ്റിംഗ്' എന്നോ 'കൊറോണ വൈറസ് ടെസ്റ്റിംഗ്' എന്നോ ടൈപ്പ് ചെയ്യുക,നിങ്ങളുടെ അടുത്തുള്ള എല്ലാ ടെസ്റ്റിംഗ് സെന്ററുകളുടെയും ഒരു ലിസ്റ്റ് തുറന്നു വരും. ഒരു ടെസ്റ്റിംഗ് സെന്ററിനെക്കുറിച്ചുള്ള വിശദാംശങ്ങൾ ലഭിക്കുന്നതിന് ആ ടെസ്റ്റിംഗ് സെന്ററിന്റെ പേരിന് മുകളിൽ ക്ലിക്ക് ചെയ്യുക.മേല്പറഞ്ഞ മൂന്ന് ആപ്പുകളിൽ സാധാരണ ജനങ്ങൾ കൂടുതലും ഉപയോഗപ്പെടുത്തുന്ന ഗൂഗിൾ ആപ്പ്സ്, സെർച്ച് എന്നിവ ഉപയോഗിച്ച് എങ്ങനെ തൊട്ടടുത്തുള്ള കൊവിഡ്-19 ടെസ്റ്റിംഗ് കണ്ടെത്താം എന്നറിയാൻ ചുവടെയുള്ള വിവരിക്കുന്നതുപോലെ ചെയ്യുക.

మరింత సమాచారం తెలుసుకోండి: