ఇక సిద్ధార్థ జొన్నలగడ్డ గా హీరోగా నటించిన డీజే టిల్లు చిత్రం కూడా జనవరి 14వ తేదీన విడుదల అవుతుంది. దీనికి సంబంధించిన అధికారిక ప్రకటన కూడా నిన్న వచ్చింది. ఇప్పటికే ఈ చిత్రానికి సంబంధించిన అప్డేట్లు సినిమాపై మంచి అంచనాలు పెంచగా సంక్రాంతి సందర్భంగా ఈ సినిమా ప్రేక్షకుల ముందుకు రావడం నిజంగా ఆ చిత్రానికి ప్లస్ పాయింట్ అని చెప్పాలి. అలాగే గల్లా అశోక్ హీరోగా నటిస్తున్న హీరో చిత్రం కూడా జనవరి 15వ తేదీన విడుదల అవడానికి రంగం సిద్ధం చేసుకుంది. ఈ చిత్రంలో నిధి అగర్వాల్ హీరోయిన్ గా నటిస్తూ ఉండగా శ్రీరామ్ ఆదిత్య దర్శకత్వం వహించారు.
ఇక దిల్ రాజు నిర్మాణంలో తెరకెక్కిన రౌడీ బాయ్స్ చిత్రం కూడా సంక్రాంతికి ప్రేక్షకుల ముందుకు తీసుకురావాలని ప్రయత్నాలు జరుగుతున్నాయి. ఈ సినిమా లో అనుపమ పరమేశ్వరన్ హీరోయిన్ గా నటిస్తుండగా ఈ చిత్రంపై కూడా మంచి అంచనాలు ఉన్నాయి. ఇక నాగార్జున నటించిన బంగార్రాజు చిత్రం మొదటి నుంచి సంక్రాంతికి రావాలనే భావిస్తూ ఉండగా రెండు పెద్ద సినిమాలు సంక్రాంతికి లేకపోవడం ఈ చిత్రానికి ఎంతగానో ప్లస్ అయింది అని చెప్పాలి. సంక్రాంతి సినిమాలలో మంచి క్రేజ్ ఉన్న సినిమా ఇదే కాబట్టి ప్రేక్షకులు ఈ చిత్రానికే భారీగా తరలి వచ్చే అవకాశం ఉంది. ఈ చిత్రం మాత్రమే కాకుండా గ్యాంగ్ స్టర్ గంగ రాజు అనే కొన్ని చిన్న చిత్రాలు సైతం సంక్రాంతికి రానున్నాయి.