మొదటి భాగం ఇంతటి సెన్సేషనల్ విజయం సాధించడంతో, దాని సీక్వెల్ అయిన “కాంతార: చాప్టర్ వన్” నిర్మాణం మొదలైంది. తాజాగా థియేటర్లలో ఈ సినిమా విడుదలై ప్రతి చోటా ఘన విజయం సాధిస్తోంది. ప్రేక్షకులు సినిమాకి అద్భుతమైన స్పందన ఇస్తున్నారు. అయితే, ఈ సినిమాపై కొన్ని నెగిటివ్ కామెంట్స్ కూడా వినిపిస్తున్నాయి. ముఖ్యంగా దర్శకుడు శంకర్ పేరు ఈ వివాదంలో వినిపించడం అభిమానులకు ఒక పెద్ద షాక్‌గా మారింది. సినిమా కథ అడవుల్లో నివసించే ప్రజలు, రాజులు మధ్య జరిగిన ఘర్షణను ఆధారంగా తీసుకుంది. మొదటి భాగంలోలా ఇక్కడ కూడా అడవి ప్రజల దేవత, దైవ శక్తి, భక్తి, యాక్షన్ సన్నివేశాలు అన్నీ ప్రేక్షకులను పూర్తిగా ఆకట్టుకున్నాయి. వీటితో పాటు సినిమాకి ఉన్న VFX సన్నివేశాలు అద్భుతంగా ఉన్నాయని జనాలు ప్రశంసిస్తున్నారు. అయితే, కొందరు ప్రేక్షకులు సినిమా ప్రారంభంలో వచ్చే కొన్ని సన్నివేశాలు “వేల్పారి” నవలలను పోలి ఉన్నాయి అని చెబుతున్నారు.
పురాతన కాలంలో అడవుల్లో నివసించే తెగలకు ఒక నాయకుడు ఉండేవాడు. అతను తన ప్రజలకు అవసరమైన వస్తువులు సమకూర్చి, కొత్త విషయాలు నేర్చుకొని గ్రామ ప్రజలకు చెప్పేవాడు. రిషబ్ శెట్టి ఈ నాయకుడి పాత్రను అదే పద్ధతిలో “కాంతారా 2”లో మలిచారని చెబుతున్నారు. నాయకుడు వస్తువులను కొనుగోలు చేయడానికి నగరానికి వెళ్లినప్పుడు జరిగే కొన్ని సంఘటనలు కూడా వేల్పారి నవలల్లో ఉన్న సన్నివేశాలతో పూర్తిగా సమానంగా ఉన్నాయంటూ చర్చ నడుస్తోంది. దీంతో “వేల్పారి” నవలలను బాగా అధ్యయనం చేసిన వ్యక్తి “కాంతార 1”కి హెల్ప్ చేశారని సమాచారం బయటకు వచ్చింది. కానీ ఇక్కడ పెద్ద ట్విస్ట్ ఏమిటంటే — “వేల్పారి” నవల హక్కులు ఇప్పటికే దర్శకుడు శంకర్ వద్ద ఉన్నాయి. అందుకే ఆయన ఆ నవలలోని సన్నివేశాలను ఎవరూ సినిమాల్లో ఉపయోగించకూడదని ముందుగానే స్పష్టం చేసినట్లు తెలుస్తోంది.
ఇప్పుడు ఈ నేపథ్యంలో, “కాంతార 1”లో వేల్పారి నవలలోని అంశాలను ఉపయోగించారని ఆరోపణలు రావడంతో, సినిమా లీగల్ చిక్కుల్లో పడే అవకాశం ఉందని సోషల్ మీడియాలో చర్చ మొదలైంది. శంకర్ వాస్తవంగా ఈ విషయంలో చట్టపరమైన చర్యలు తీసుకుంటారా..? లేదా..? అనేది ఇప్పుడు పెద్ద ప్రశ్నగా మారింది.
అయితే, ఒకవేళ శంకర్ లీగల్ యాక్షన్ తీసుకుంటే, రిషబ్ శెట్టి దానికి ఎలా స్పందిస్తారు? ఆయన సమాధానం ఏవిధంగా ఉంటుందనే కుతూహలం అభిమానుల్లో పెరుగుతోంది. కొంతమంది సోషల్ మీడియా యూజర్లు దీన్ని ఘాటుగా రియాక్ట్ అవుతూ హాట్ టాపిక్‌గా మార్చేశారు.మొత్తం మీద, “కాంతారా చాప్టర్ 1” విజయం తర్వాత రిషబ్ శెట్టి మీద మరింత అంచనాలు పెరిగాయి. సినిమా విజువల్ ప్రెజెంటేషన్, బ్యాక్‌డ్రాప్, మ్యూజిక్, మిథాలజికల్ టచ్ అన్నీ కలిపి ప్రేక్షకులను పూర్తిగా ఆకర్షిస్తున్నా — ఇప్పుడు ఈ వేల్పారి నవల వివాదం సినిమా మీద కొత్త మలుపు తెచ్చిందని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి