'భీమ్లా నాయక్' సినిమా తర్వాత దాదాపు రెండు నెలల విరామం తీసుకొని ''హరిహర వీరమల్లు'' సెట్ లో అడుగుపెట్టారు పవర్ స్టార్ పవన్ కళ్యాణ్. వస్తూ వస్తూనే హై వోల్టేజ్ యాక్షన్ సీక్వెన్స్ కోసం ఆయన రిహార్సల్ చేశారు. హైదరాబాద్ లో వేసిన ఓ స్పెషల్ సెట్లో హాలీవుడ్ స్టంట్ మాస్టర్ టోడోర్ లాజరోవ్ ఆధ్వర్యంలో పవన్ కళ్యాణ్ ఈ విన్యాసాలు చేశారు.అయితే తాజాగా వారియర్స్ వే అంటూ వీరమల్లు ప్రీ షూట్ కు సంబంధించిన ఓ వీడియోని మేకర్స్ సోషల్ మీడియా వేదికగా రిలీజ్ చేశారు. ఇక ఇందులో పవర్ స్టార్ పవన్ కళ్యాణ్ బరిసెలతో పోరాట సన్నివేశాలు ప్రాక్టీస్ చేస్తూ కనిపించారు. ఆ వీడియో చివర్లో కర్ర బ్యాలన్స్ తో చేసిన ఫీట్ అయితే అదిరిపోయింది. ప్రస్తుతం నెట్టింట అందరినీ ఆకట్టుకుంటున్న ఈ వీడియో.. పవర్ స్టార్ ఫ్యాన్స్ కు మంచి ట్రీట్ ఇచ్చిందనే చెప్పాలి.''హరి హర వీరమల్లు'' సినిమాని 17వ శతాబ్దం నేపథ్యంలో సాగే ఓ చారిత్రక కథాంశంతో రూపొందిస్తున్నారు. ఇప్పటికే దీని కోసం హైదరాబాద్ లో మొఘలాయిల కాలాన్ని ప్రతిబింబించేలా భారీ సెట్లు కూడా నిర్మించారు.



ఇందులో రాబిన్ హుడ్ తరహా పాత్రలో పవర్ స్టార్ పవన్ కళ్యాణ్ కనిపించనున్నారు. ఇప్పటికే విడుదలైన ఫస్ట్ లుక్ ఇంకా గ్లిమ్స్ మంచి స్పందన తెచ్చుకున్నాయి.ఈ సినిమాలో పవన్ కళ్యాణ్ సరసన నిధి అగర్వాల్ హీరోయిన్ గా నటిస్తోంది. బాలీవుడ్ స్టార్స్ అర్జున్ రాంపాల్ ఇంకా అలాగే నర్గిస్ ఫక్రి కీలక పాత్రలు పోషిస్తున్నారు.ఇప్పటికే ఈ సినిమా అనేది 50 శాతం షూటింగ్ పూర్తవ్వగా.. జూలై నెల చివరి నాటికి పవన్ తన పాత్రకు సంబంధించిన షూటింగ్ కంప్లీట్ చేయాలని ప్లాన్ చేసుకున్నట్లు సమాచారం తెలుస్తుంది.ఇది పవర్ స్టార్ పవన్ కళ్యాణ్ కెరీర్ లోనే భారీ బడ్జెట్ తో తెరకెక్కుతున్న సినిమా.సౌత్ ఇండియా స్టార్ ప్రొడ్యూసర్ ఏఎమ్ రత్నం సమర్పణలో మెగా సూర్య ప్రొడక్షన్స్ బ్యానర్ పై ఎ. దయాకర్ రావు ఈ సినిమాని నిర్మిస్తున్నారు. ఎం.ఎం. కీరవాణి ఈ సినిమాకి సంగీతం సమకూరుస్తుండగా.. జ్ఞానశేఖర్ వి.ఎస్. సినిమాటోగ్రఫీని అందిస్తున్నారు.

మరింత సమాచారం తెలుసుకోండి:

Purushottham Vinay

09/04/2022 09:00 PM