ఇస్మార్ట్
శంకర్ సినిమా తర్వాత
రామ్ పోతినేని కెరీర్ పూర్తిగా మారిపోయిందని చెప్పాలి. అంతకు ముందు ఆయనకు పెద్దగా
మాస్ ఫాలోయింగ్ ఉండేది కాదు ఈ చిత్రం చేసిన తర్వాత చాలా మంది ప్రేక్షకులు ఆయనకు అభిమానులుగా మారిపోయారు. ఆయనకు ఈ స్థాయిలో క్రేజ్ ను తీసుకు వచ్చిన దర్శకుడు పూరి జగన్నాథ్ అని చెప్పాలి. ఆ తరువాత
రెడ్ సినిమా కూడా ఆ సినిమాకు మంచి మార్కులే పడ్డాయి.
ద్విపాత్రాభినయం లో నటించిన
రామ్ కి ఈ
సినిమా ద్వారా మంచి ఆదరణే దక్కింది. ఈ నేపథ్యంలో మరొకసారి
మాస్ ప్రేక్షకులను అలరించాలని చెప్పి తమిళంలో
మాస్ చిత్రాలను తెరకెక్కించడంలో స్పెషలిస్టు అయిన దర్శకుడు లింగుస్వామి తో కలిసి ది
వారియర్ అనే
సినిమా చేశాడు. ఈ చిత్రంలో పవర్ ఫుల్
పోలీస్ ఆఫీసర్ గా కనిపించబోతున్నాడు రామ్. ఇప్పటికే ఈ సినిమాకు సంబంధించిన కొన్ని అప్డేట్ లు ప్రేక్షకుల్లో ఎంతో క్యూరియాసిటీని పెంచగా చిత్రంపై అంచనాలు కూడా పెంచాయి.
అలా ఈ
సినిమా షూటింగ్ ను తాజాగా పూర్తి చేసుకుని జూలైలో విడుదలకు సిద్ధం అవుతోంది. కృతి శెట్టి
హీరోయిన్ గా నటించిన ఈ
సినిమా కు దేవి
శ్రీ ప్రసాద్ సంగీతం అందించగా ఈ
సినిమా తనకు
మాస్ లో మరింత ఫాలోయింగ్ ను సంపాదించి పెడుతుంది అన్న నమ్మకంతో
రామ్ ఉన్నాడు. మరి జూలైలో విడుదల కాబోతున్న ఈ చిత్రం ఏ స్థాయిలో ప్రేక్షకులను మెప్పించి రాము ఇమేజ్ ను పెంచుతుందో చూడాలి. ఈ చిత్రం తర్వాత మరొక మారు దర్శకుడైన
బోయపాటి శ్రీను తో కలసి ఈ
హీరో సినిమాను చేస్తున్నాడు. త్వరలోనే ఈ చిత్రం యొక్క షూటింగ్ మొదలు కాబోతుంది అని తెలుస్తోంది. ఈ సినిమాకు సంబంధించిన పూర్తి వివరాలను కూడా త్వరలోనే చిత్రబృందం వెల్లడించనుంది.