వెస్ట్ బెంగాల్ కు చెందిన ప్రముఖ డైరెక్టర్ పినాకీ చౌదరి చనిపోయారు. వీరి బంధువుల నుండి వినిపిస్తున్న ప్రకారం గత కొంతకాలంగా ఈయన కాన్సర్ తో బాధపడుతున్నారట. ఈ కాన్సర్ కు సంబంధించిన ట్రీట్ మెంట్ ను కూడా తీసుకుంటున్నారట. అయితే కాన్సర్ మరీ ముదరడంతో ప్రాణం మీదకు వచ్చిందని తెలుస్తోంది. వాస్తవంగా ఈయన తన సొంత ఇంటిలో సోమవారం రోజున మరణించారు. కానీ ఈ వార్త ఆలస్యంగా అందరికీ తెలిసింది. పినాకీ చౌదరి డైరెక్టర్ గా మారి సంవత్సరాలు అయింది .
పినాకీ చౌదరి "చెనా అచ్చెనా" అనే సినిమాతో మెగా ఫోన్ పట్టాడు, ఆ తర్వాత ఎన్నో చిత్రాలకు దర్శకత్వం వహించి తనకంటూ ప్రత్యేక గుర్తింపును సంపాదించుకున్నాడు. ఈయన దర్శకత్వం వహించిన చిత్రాలలో షాంఘాత్, బాలీగంజ్ కోర్ట్ చిత్రాలు ఎప్పటికీ ప్రత్యేకంగా నిలుస్తాయి. ఈ చిత్రాలకు అప్పట్లో జాతీయ అవార్డులు దక్కడం విశేషం. ఇలా జాతీయ అవార్డు గ్రహీత అయిన పికఈ చౌదరి మరణించడం చాలా బాధాకరం. ఈయన మరణానికి పలువురు తమ సంతాపాన్ని వ్యక్తం చేస్తున్నారు.