బద్రి సినిమాను గణతంత్ర దినోత్సవ సందర్భంగా జనవరి 26వ తేదీన థియేటర్లలో రీ రిలీస్ చేయడానికి సన్నహాలు సిద్ధం చేస్తున్నారు. ఎలాగో ఆ రోజు ఫ్లాగ్ హోస్టింగ్ తర్వాత హాలిడే ఇవ్వబడుతుంది కాబట్టి ఆ సమయంలో థియేటర్లకు జనాలు ఎక్కువగా వెళ్తారన్న నేపథ్యంలోని ఈ నిర్ణయం తీసుకున్నట్లు సమాచారం. జల్సా , ఖుషి సినిమాలు కలెక్షన్ల సునామీ సృష్టించిన విషయం తెలిసిందే. ఈ క్రమంలోనే బద్రి కూడా సరికొత్త రికార్డు సృష్టించడం ఖాయం అంటూ పవన్ కళ్యాణ్ అభిమానులు ధీమా వ్యక్తం చేస్తున్నారు. పూreee జగన్నాథ్ దర్శకత్వంలో తెరకెక్కిన ఈ చిత్రం భారీ బ్లాక్ బాస్టర్ విజయాన్ని సొంతం చేసుకుంది . అంతేకాదు ఈ సినిమా ద్వారా పూరీజగన్నాథ్ మొదటిసారి తెలుగుతెరకు పరిచయమయ్యాడు.
ఇకపోతే పవన్ కళ్యాణ్ సినిమాల విషయానికి వస్తే... ప్రస్తుతం హరిహర వీరమల్లు సినిమా షూటింగ్లో బిజీగా ఉన్నాడు. ఈ సినిమా తర్వాత తన తదుపరిచిత్రాలను తెరకెక్కించే అవకాశం ఉంది. ఒకవైపు సినిమాల షూటింగ్లలో పాల్గొంటూనే మరొకవైపు ప్రజలకు దగ్గరయ్యే విధంగా రాజకీయాలలో కూడా వేగంగా పాదం కదుపుతున్నాడు. మరి రెండింటిలో విజయం సాధిస్తారో లేదో అన్న అనుమానాలు కూడా వ్యక్తమవుతున్నాయి.
