కానీ సమస్య ఏమిటంటే, ఎమ్మెల్యేగా ఉన్నప్పుడు సినిమాలు చేయడం ఒకటైతే, డిప్యూటీ సీఎంగా ఉన్నప్పుడు రాజ‌కీయాలు.. సినిమాలు బ్యాలెన్స్ చేయడం క‌ష్టం. పవన్ ఇప్పుడు ఏపీ అసెంబ్లీలో కేవలం ఎమ్మెల్యే కాదు, ప్రభుత్వంలో కీలకమైన పదవిలో ఉన్నారు. రాష్ట్రానికి సంబంధించిన అనేక నిర్ణయాలు, కీలక అంశాలపై ఆయన నేరుగా జోక్యం చేసుకోవాల్సిన పరిస్థితి ఉంటుంది. అలాంటి సమయంలో సినీ ప్రాజెక్టులకు కాల్‌షీట్లు కేటాయించడం వల్ల ప్రజలకు కేటాయించే సమయం తగ్గిపోతుందన్న వాదన ముందుకు వస్తోంది.
ఇప్పటివరకు విడుదల అవుతున్న సినిమాలు పవన్ కల్యాణ్ డిప్యూటీ సీఎం అయ్యే ముందు ప్రారంభించినవే. అందువల్ల వాటిపై పెద్ద ఎత్తున విమర్శలు లేవు. ప్రజలు కూడా వాటిని సహజంగానే అంగీకరించారు. కానీ పవన్ ఇప్పుడు కొత్త ప్రాజెక్టులు మొదలుపెడితే మాత్రం పరిస్థితి పూర్తిగా మారిపోతుంది. ఇది త‌ప్పుకాక‌పోయినా నైతికంగా స‌రికాద‌న్న అభిప్రాయాలు తెర‌మీద‌కు వ‌స్తాయి. ఇది రాజకీయంగా ఆయనకు తీవ్ర నష్టాన్ని కలిగించవచ్చు.
ప్రజలు తమ సమస్యలను పరిష్కరించమని నేతలను ఎన్నుకుంటారు. కానీ ఆ నేత సినిమాల్లో ఎక్కువ సమయం కేటాయిస్తే, ప్రజలు నిర్లక్ష్యం చేస్తున్నారన్న భావనకు వస్తారు. అలాంటి పరిస్థితిలో ఆ నాయకుడి పట్ల ఉన్న నమ్మకం, మద్దతు క్రమంగా తగ్గిపోతుంది.
ప్రతిపక్షంలో ఉన్నప్పుడు పూర్తిచేసిన సినిమాలపై ఎవరూ పెద్దగా అభ్యంతరం వ్యక్తం చేయలేదు. కానీ అధికారంలో ఉన్నప్పుడు కొత్త సినిమాలు ప్రారంభించడం మాత్రం పవన్ కల్యాణ్ నిజాయితీపై అనుమానాలను పెంచుతుంది. ఏదేమైనా పవన్ రెండు ప‌డ‌వ‌ల ప్ర‌యాణం ఆప‌క‌పోతే పవన్ రాజ‌కీయ భ‌విష్య‌త్తు ప్ర‌శ్నార్థ‌క‌మే అవుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి