శంకర శాస్త్రి గా నటించిన జె.వి.సోమయాజులు గొప్ప సంగీత విద్వాంసుడు, ఆయన కచేరీ ఒకసారి విన్న ఒక వేశ్య కూతురు, నర్తకి అయిన తులసి పాత్రలో నటించిన మంజుభార్గవి ఆ వేశ్యా వృత్తిని అసహ్యించుకుంటుంది. శంకర శాస్త్రి మీద గురు భావంతో ఆయనని ఏకలవ్య శిష్యురాలుగా ఆరాధిస్తుంది. అయితే తన వద్దకు వచ్చిన ఒక విటుడు బలాత్కరించి శంకరశాస్త్రిని అనేక మాటలు అంటూ ఉంటే దాన్ని భరించలేక అతని హతమారుస్తుంది. ఆ కేసు నుంచి ఆమెను బయటకు తీసుకురావడానికి శంకరశాస్త్రి అండగా నిలిచి తీసుకువచ్చి ఆశ్రయం ఇవ్వగా ఒక వేశ్యకు ఆశ్రయం ఇచ్చారని శంకరశాస్త్రిని అందరూ చిన్నచూపు చూస్తారు.
దీంతో మంజుభార్గవి బయటకు వెళ్లిపోతుంది. ఆ తరువాత సంగీతాన్ని ఆమె ఎలా నేర్చుకుంది ? సంగీతం నేర్చుకోవడం కోసం ఏం చేసింది ? అనే అంశం మీద ఈ సినిమాను ఎక్కించారు. ఈ సినిమాకు కే.వి.మహదేవన్ ఇచ్చిన సంగీతం బాగా నప్పింది. అలాగే జంధ్యాల మాటలు, ఎస్పీ బాలసుబ్రహ్మణ్యం వాణి జయరామ్ గానం, సోమయాజులు మంజుభార్గవి అల్లు రామలింగయ్య తదితరులు నటన అన్నీ కలిపి శంకరాభరణం అనగానే ఒక క్లాసిక్ సినిమా అనే భావన తీసుకొస్తాయి.