വിഷുക്കണിയായി മഞ്ജു വാര്യരുടെ കൃഷ്ണ വേഷം! പുതിയ പ്രതീക്ഷയോടെ പുലരിയെ വരവേൽക്കുന്ന ആരാധകർക്കായി പ്രിയ താരം മഞ്ജു വാര്യർ കണി ഒരുക്കിവെച്ചത് കൃഷ്ണ വേഷമാണ്. അനന്തതയുടെ വർണമായ നീല നിറത്തിൽ ശോഭിക്കുന്ന, മൗലിയിൽ മയിൽപീലിയോടെ, കയ്യിൽ ഓടക്കുഴലോടെയുള്ള കൃഷ്ണ വേഷത്തിലുള്ള തൻ്റെ ചിത്രമാണ് മഞ്ജു വാര്യർ ഇൻസ്റ്റഗ്രാേ പേജിലൂടെ പങ്കുവെച്ചത്. മേട മാസത്തെ ആദ്യ ദിനപ്പുലരിയിലെ ആദ്യ കാഴ്ചയാണ് കണികാണൽ എന്നു പറയുന്നത്. ഇനി ഒരു വർഷത്തെ മുഴുവൻ ഐശ്വര്യങ്ങളുടെയും ആരംഭം അവിടെ നിന്നുമാണ്. അതിനാൽ മനോഹരവും സുന്ദരവുമായ വിഷുക്കണിയാണ് മലയാളികൾ ഒരുക്കിവെക്കുന്നത്. നിരവധി പേരാണ് ചിത്രത്തിനു ലൈക്കും വിഷു ആശംസകളുമായി താരത്തിനു പിന്തുണ നൽകുന്നത്.
പീലിത്തിരുമുടിയും ഓടക്കുഴലും മഞ്ഞപ്പട്ടുടയാടയുമായി ശ്രീകൃഷ്ണനെ അടയാളപ്പെടുത്തിയ ചിത്രം ഈ വർഷം തിരുവനന്തപുരത്ത നടന്ന സൂര്യ ഫെസ്റ്റിവൽ പരിപാടിയിൽ മഞ്ജു വാര്യർ നിറഞ്ഞാടിയപ്പോൾ പകർത്തിയതാണ്. രാധേ ശ്യാം എന്ന നൃത്തനാടകമായിരുന്നു ഫെസ്റ്റിവലിൻ്റെ സമാപനവേദിയിൽ മഞ്ജു അന്ന് അവതരിപ്പിച്ചത്. കൃഷ്ണനോടുള്ള രാധയുടെ പ്രണയം പറയുന്ന രാധേ ശ്യാം മഞ്ജു വാര്യരുടെ ആദ്യ നൃത്തനാടകമായിരുന്നു. ഗീത പത്മകുമാർ ആവിഷ്‌കാരം ഒരുക്കിയ നൃത്ത നാടകം അന്ന് ഹർഷാരവത്തോടെയാണ് കാഴ്ചക്കാർ സ്വീകരിച്ചത്.ഏയ് മാധവ്, നീ എന്താ ഒന്നും പറയാത്തത്? നിൻ്റെ കണ്ണുകളിലേക്കു നോക്കി ഇരിക്കുമ്പോൾ ഞാൻ ആ നീലവർണനെ കാണുന്നു. എല്ലാവരും പറയുന്ന പോലെ ഞാനും അവരിൽ ഒരാൾ മാത്രമെന്നാണോ?
പറയൂ മാധവ്? അവൻ ഒന്നും മിണ്ടിയില്ല. എല്ലാ ഏകാദശിനാളിലും അവൾ ഇങ്ങനെ അവനെ കാണാൻ വരും. എന്നിട്ടു അവനോടു മാത്രം സംസാരിച്ചു കൊണ്ടിരിക്കും. അവൻ അവളെ നോക്കി ഒന്നും പറയാതെ അവളുടെ കുഞ്ഞു പരിഭവങ്ങളും സങ്കടങ്ങളും കേട്ടു പുഞ്ചിരിക്കും. ഒടുവിൽ അന്ന് അവൻ അവളോട് പറഞ്ഞു, അല്ലയോ രാധാ, ഞാൻ നിനക്കു മാത്രം സ്വന്തമാണല്ലോ... നിൻ്റെ പ്രണയമാണ് എന്നിലെ നീലവർണം. നീ പറയുന്ന പോലെ എനിക്ക് ഇപ്പോൾ ഇവിടുന്ന് എഴുന്നേറ്റു നിൻ്റെ കൂടെ വരാൻ കഴിയില്ല. ഞാൻ എന്നേ ചലനമറ്റ് അമ്പലങ്ങളിൽ പ്രതിഷ്ഠ മാത്രമായി മാറിയിരിക്കുന്നു. എന്നെ കാണുന്നെങ്കിൽ ഇനിയും ഇവിടെ വരൂ രാധാ. നമുക്ക് മാത്രമായ് ഒരു കാളിന്ദി നദി ഇനിയും ഒഴുക്കാം. ആ മരച്ചുവട്ടിൽ ഇരുന്നു ഞാൻ നിനക്കു മാത്രമായി എൻ്റെ ഓടക്കുഴൽ ഒരിക്കൽ കൂടി വായിക്കാം... രാധാ ശ്യാം വീഡിയോയ്ക്ക് ആരാധകൻ പോസ്റ്റ് ചെയ്ത കമൻ്റ് ഇങ്ങനെയായിരുന്നു.
കൃഷ്ണ വേഷത്തിലുള്ള ചിത്രം പങ്കുവെയ്ക്കുന്നതിനു രണ്ടു മണിക്കൂർ മുമ്പ് രാധേ ശ്യാം നൃത്ത നാടകത്തിൻ്റെ റിഹേഴ്സൽ വീഡിയോയും മഞ്ജു പങ്കുവെച്ചിരുന്നു. നൃത്തം ചെയ്യുമ്പോൾ നമ്മൾ വിയർക്കുകയല്ല, തിളങ്ങുകയാണെന്ന കുറിപ്പോടെയായിരുന്നു വീഡിയോ പോസ്റ്റ് ചെയ്തത്. സെലിബ്രിറ്റികൾ അടക്കം നിരവധി പേരാണ് ചിത്രത്തിനു കമൻ്റ് ചെയ്തിരിക്കുന്നത്. കൃഷ്ണ മഞ്ജിമ എന്നും ഇത്രയും മനോഹരമായി ചിരിക്കുന്ന ഈ ശ്രീകൃഷ്ണൻ ഇനി എല്ലാവരുടെയും മനസിലേക്കെന്നും ആരാധകർ കുറിച്ചിട്ടുണ്ട്.
Find out more:
click and follow Indiaherald WhatsApp channel