കല്യാണം കഴിഞ്ഞ് മൂന്നാം ദിവസം തന്നെ സിനിമ കമ്മിറ്റ് ചെയ്തു; പ്രിയാമണിയുടെ വിശേഷങ്ങൾ! പ്രിയാമണിയെ ഭർത്താവ് തടവിലാക്കിയിരിക്കുകയാണെന്നും, ഇനി താരം അഭിനയിക്കല്ല എന്നുമൊക്കെ പറഞ്ഞുകേട്ടു. എന്നാൽ അതിനെല്ലാം മറുപടി നൽകിക്കൊണ്ടായിരുന്നു ജവാനിലൂടെയുള്ള നടിയുടെ ഗംഭീര തിരിച്ചുവരവ്. തന്റെ അഭിനയ ജീവിതത്തിന് ഭർത്താവും കുടുംബവും എത്രത്തോളം വലിയ സപ്പോർട്ട് ആണ് നൽകുന്നത് എന്ന് ഒരു അഭിമുഖത്തിൽ പ്രിയാമണി സംസാരിക്കുകയുണ്ടായി. ചെറിയൊരു ബ്രേക്കിന് ശേഷമാണ് ജവാൻ എന്ന സിനിമയിലൂടെ പ്രിയാമണി അഭിനയത്തിലേക്ക് തിരിച്ചെത്തിയിരിയ്ക്കുന്നത്. ആ കാലയളവിനുള്ളിൽ പല ഗോസിപ്പുകളും വന്നിരുന്നു.കൊവിഡ് രണ്ടാം തരംഗത്തിന്റെ സമയത്താണ് ജവാൻ എന്ന സിനിമയുടെ കോൾ വരുന്നത്. ആരാണ് നടൻ എന്നുള്ള കാര്യമൊന്നും എന്നോട് പറഞ്ഞിരുന്നില്ല. ആ സമയത്ത് ഞാൻ ബെംഗലൂരുവിൽ അച്ഛനും അമ്മയ്ക്കുമൊപ്പമായിരുന്നു. ഭർത്താവ് ആ സമയത്ത് ഗൾഫിലാണ്. അവസരം വന്നു, അറ്റ്‌ലി സാറുമായി സംസാരിച്ചു കഴിഞ്ഞപ്പോഴാണ് ഷാരൂഖ് ഖാൻ സാറിന്റെ സിനിമയാണ് എന്നറിയുന്നത്.
എന്റെ അച്ഛനും ഭർത്താവും ഷാരൂഖ് ജിയുടെ കടുത്ത ആരാധകരാണ്. സിനിമയെ കുറിച്ച് പറഞ്ഞതും ഗസ്റ്റ് റോൾ ആണെങ്കിലും പോയി ചെയ്യൂ എന്നാണ് രണ്ടു പേരും പറഞ്ഞത്. ആലോചിക്കാനേ ഇല്ല എന്ന് മുസ്തഫ പറഞ്ഞു. ദൈവം സഹായിച്ച് അഭിനയിക്കുന്ന കാര്യത്തിൽ അത്രയധികം സപ്പോർട്ട് ചെയ്യുന്ന കുടുംബമാണ് എനിക്ക് കിട്ടിയത്. എന്റെ അച്ഛനും അമ്മയും മാത്രമല്ല, ഭർത്താവും ഭർത്താവിന്റെ വീട്ടുകാരും അതുപോലെ തന്നെ പിന്തുണയ്ക്കുന്നവരാണ്. അതൊരു ഭാഗ്യമാണ്. അത്രയധികം അവരെന്നെ സപ്പോർട്ട് ചെയ്യുന്നില്ലായിരുന്നുവെങ്കിൽ ഇന്ന് ഇതുപോലെ ഒരു അഭിമുഖം നൽകാൻ പോലും എനിക്ക് കഴിയുമായിരുന്നില്ല. . വിവാഹ ശേഷം എനിക്ക് എത്ര റോളുകൾ വരും എന്നൊന്നും എനിക്ക് അറിയില്ല. പക്ഷെ വന്നാൽ എനിക്ക് അഭിനയിക്കണം എന്നാണ് ഞാൻ മുസ്തഫയോട് പറഞ്ഞത്. അതെന്തിനാണ് പറയുന്നത്, നീ തീർച്ചയായും അഭിനയിക്കണം എന്നായിരുന്നു അദ്ദേഹത്തിന്റെ മറുപടി. കല്യാണത്തിന് ശേഷവും എനിക്ക് അഭിനയിക്കണം എന്ന് ഞാൻ ആദ്യമേ പറഞ്ഞിരുന്നു.
സത്യത്തിൽ കല്യാണത്തിന്റെ രണ്ട് ദിവസം മുൻപ് വരെ എനിക്ക് ഒരു ടെലിവിഷൻ ഷോയുടെ ഷൂട്ട് ഉണ്ടായിരുന്നു. മെഹന്തി ചടങ്ങിന് പോലും സമയമുണ്ടായിരുന്നില്ല. 'ഇത് ജീവിതമാണ്, ഷൂട്ട് അല്ല. കല്യാണമാണെന്ന ഓർമയെങ്കിലും നിനക്കുണ്ടോ' എന്ന് ഏട്ടത്തിയമ്മ ചോദിച്ചു. കല്യാണം കഴിഞ്ഞ് മൂന്നാമത്തെ ദിവസം തന്നെ ഒരു മലയാള സിനിമയ്ക്ക് ഞാൻ കമ്മിറ്റ് ആകുകയും ചെയ്തിരുന്നു. അതൊന്നും ഒരു വിഷയമേ അല്ല, നിന്റെ ജോലിയാണ്. നീ പോയിക്കോളൂ, പോയി അഭിനയിച്ചോളൂ എന്നാണ് മുസ്തഫയും അദ്ദേഹത്തിന്റെ വീട്ടുകാരും പറഞ്ഞത്. സോഷ്യൽ മീഡിയ കമന്റുകളെ ഞാൻ കാര്യമാക്കുന്നില്ല എന്നാണ് പ്രിയ മണി പറയുന്നത്. കമന്റുകൾ വായിക്കാതെയൊന്നുമല്ല, വായിക്കാറുണ്ട്. പക്ഷെ അതിന് മറുപടി കൊടുക്കണം എന്ന് തോന്നിയിട്ടില്ല. തടിച്ചാലും മെലിഞ്ഞാലും എല്ലാം കുറ്റം പറയുന്നവരാണ്.
എന്നെ കണ്ടിട്ട് ആന്റി എന്ന് വിളിക്കാൻ തോന്നുന്നു എന്നൊക്കെ പറയും. വിളിക്കുന്നതിൽ എനിക്കൊരു പ്രയാസവും ഇല്ല. എനിക്ക് 39 വയസ്സായി, അടുത്ത വർഷം 40 ആവും. ആന്റി എന്ന് വിളിക്കുന്നതിൽ ഒരുതെറ്റുമില്ല. നാൽപതായാലും ഞാൻ ഹോട്ട് ആന്റ് ഗുഡ് ലുക്കിങ് ആണ്. പിന്നെ ഞാനെന്തിന് അതിനെ എതിർക്കണം- പ്രിയമണി ചോദിയ്ക്കുന്നു. അതേസമയം മറ്റൊരു അനുഗ്രഹം, വിവാഹത്തിന് ശേഷവും ഞങ്ങളെ പോലുള്ള നടിമാർക്ക് നല്ല നല്ല വേഷങ്ങൾ കിട്ടുന്നു എന്നതാണ്. കല്യാണം കഴിഞ്ഞാൽ പിന്നെ ചേട്ടത്തിമാരുടെ റോളുകൾക്കാണ് പണ്ടൊക്കെ വിലിച്ചിരുന്നത്. പക്ഷെ കാമ്പുള്ള നല്ല നല്ല റോളുകൾ ഞങ്ങൾക്ക് വേണ്ടി ഉണ്ടാവുന്നു എന്നത് തന്നെ വലിയൊരു പ്ലസ് പോയിനാണ്- പ്രിയമണി പറഞ്ഞു.
Find out more:
click and follow Indiaherald WhatsApp channel