ఇటీవల కాలంలో కోలీవుడ్ స్టార్స్ నటించిన సినిమాలు వరుసగా ఫెయిల్ అవుతున్నాయనే విమర్శలు వస్తున్నాయి. ఒకప్పుడు స్టార్ ఇమేజ్‌తో ఇండస్ట్రీని షేక్ చేసిన హీరోలు ఇప్పుడు డమ్మీలుగా మారిపోయారని కామెంట్స్ వినిపిస్తున్నాయి. దీనికి విరుద్ధంగా తెలుగు హీరోలు హై పొజిషన్ సంపాదించి, పాన్ ఇండియా స్థాయిలో క్రేజీ పాపులారిటీ పెంచుకోవడం, తెలుగు ప్రజలు దాన్ని హైలైట్ చేయడం కోలీవుడ్ అభిమానులకు బాగా మండిపోయేలా చేసింది. దీంతో కోలీవుడ్ వర్గాల వారు కూడా తెలుగు హీరోలపై మండిపడుతున్నారు.
“తెలుగు హీరోల సినిమాలకు వచ్చే క్రేజ్‌కు అసలు కారణం డైరెక్టర్లే, హీరోలు పెద్దగా ఏమి చేయలేదు” అంటూ ఘాటు కౌంటర్స్ వేస్తున్నారు. అంతేకాదు, ఇటీవలి కాలంలో తెలుగు ఇండస్ట్రీలో ఇద్దరు స్టార్ హీరోల మధ్య పెద్ద గొడవ జరిగిన విషయాన్ని కూడా హైలైట్ చేస్తూ, “ఇక్కడ ఒకరికి ఒకరు హెల్ప్ చేసుకోరు, పబ్లిసిటీ ఎలాగో వస్తూనే ఉంటుంది” అంటూ ట్రోల్స్ చేస్తున్నారు. అసలే టాలీవుడ్‌లో ఆ హీరోల ఫ్యాన్స్ కొట్టుకుంటూ చచ్చిపోతూ ఉంటే, ఇప్పుడు కోలీవుడ్ జనాలు కూడా వాళ్ల మధ్య మంటలు పెట్టడానికి ప్రయత్నిస్తున్నారు అని సినీ ప్రముఖులు ఆగ్రహం వ్యక్తం చేస్తున్నారు. “ఇదేం పైశాచిక ఆనందం బాబోయ్! తెలుగు హీరోలు హిట్ కొడితే ఈ విధంగా ద్వేషం తీర్చుకుంటారా?” అంటూ ఘాటుగా కౌంటర్స్ వేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి