ఇలాంటి సందర్భంలో ఒక ఇంట్రెస్టింగ్ న్యూస్ బయటకు వచ్చింది. నిజానికి పవన్ కళ్యాణ్ కన్నా ముందే డైరెక్టర్ సుజిత్, రామ్ చరణ్ అలాగే చిరంజీవితో సినిమాలు చేయాల్సిందని తెలుస్తోంది. కానీ కొన్ని అనుకోని కారణాల వల్ల ఆ అవకాశాలు ఆగిపోయాయి. దానికి సంబంధించిన వివరాలు బయటకు రావడంతో ఇప్పుడు ఆ చర్చ మళ్లీ మొదలైంది. వైరల్ అవుతున్న సమాచారం ప్రకారం – సాహో సినిమా తర్వాత సుజిత్‌పై భారీ స్థాయిలో ట్రోలింగ్ జరిగింది. ఆ సమయంలో ఇండస్ట్రీలో పెద్ద స్టార్స్ ఆయనకు అవకాశాలు ఇవ్వడానికి వెనకడుగు వేశారు. కానీ సుజిత్ నిరుత్సాహపడలేదు. ఆయన కొత్త కథలు రాయడం మొదలుపెట్టాడు. అదే సమయంలో రామ్ చరణ్‌తో ఒక స్క్రిప్ట్ ఫిక్స్ అయ్యే దశకు వచ్చిందని చెప్పుకుంటారు. యూకే బ్యాక్‌డ్రాప్‌లో ఉండే ఆ స్క్రిప్ట్ మొత్తం లండన్‌లో షూట్ చేయాలని కూడా ప్లాన్ చేశారు. కానీ కొన్ని అవాంతరాలు, దుష్టశక్తుల కారణంగా ఆ ప్రాజెక్ట్ అటకెక్కిపోయింది.
తర్వాత సుజిత్‌కు చిరంజీవి నుంచి లూసిఫర్ రీమేక్ డైరెక్ట్ చేయమని పిలుపు వచ్చింది. కొంతకాలం వరకు ఆ ప్రాజెక్ట్‌పై వర్క్ కూడా చేశారట. కానీ సుజిత్‌కి ఆ ప్రాజెక్ట్ నచ్చలేదట. తనకు కొత్తగా, ఒరిజినల్‌గా చేయాలనిపించింది. పైగా, సాహో వర్క్‌కి మెప్పైన మలయాళ స్టార్ పృథ్వీరాజ్ కుమార్ మాటలు ఆయనకు గుర్తొచ్చాయి. అందుకే వెంటనే కొత్త కథ మీద ఫోకస్ పెట్టి, ఓఘ్ సినిమా స్టోరీని తనదైన స్టైల్లో రాసుకున్నాడు. మూడు సంవత్సరాల పాటు సుజిత్ ఆ సినిమాకి కష్టపడ్డాడు. ఇదే సమయంలో పవన్ కళ్యాణ్ రాజకీయంగా బిజీ అయ్యి ఆంధ్రప్రదేశ్ డిప్యూటీ సీఎం అయ్యారు. దీంతో పవన్ కళ్యాణ్ ఈ సినిమా కంప్లీట్ చేస్తారా లేదా అన్న సందేహం ఫ్యాన్స్‌లో మొదలైంది.
కానీ పవన్ ఇచ్చిన మాటకు నిలబడి, తన కమిట్‌మెంట్‌ను నిలబెట్టుకున్నారు. సుజిత్‌కి న్యాయం చేస్తూ సినిమా పూర్తిచేశారు. ఇప్పుడు ఆ ఫలితం ఏమైంది అంటే, బాక్స్ ఆఫీస్ వద్ద ఇండస్ట్రీ రికార్డులను చెరిపేసే స్థాయిలో ఓ జి దూసుకెళ్తోంది. థియేటర్లలో టిక్కెట్లు దొరకడం కష్టమవుతోంది. అడ్వాన్స్ బుకింగ్స్ రికార్డు స్థాయిలో ఉన్నాయి. ట్రేడ్ వర్గాలు చెబుతున్నదాని ప్రకారం, ఈ సినిమాతో బాక్స్ ఆఫీస్ హిస్టరీ కొత్తగా రాసుకుంటోంది. అలా రామ్ చరణ్, చిరంజీవి ప్రాజెక్టులు చేయలేకపోయినప్పటికీ, చివరికి పవన్ కళ్యాణ్‌తో కలిసి సుజిత్ తన కలను నిజం చేసుకున్నాడు. ఈ సినిమాతో ఆయన తన ప్రతిభను నిరూపించుకున్నాడు. ఒకటి పోతే ఇంకొకటి దక్కుతుంది అన్న నానుడికి ఇది బంగారు ఉదాహరణ అని అభిమానులు చెబుతున్నారు.ఇక ఫ్యాన్స్ మాత్రం “గంభీర” అంటే ఇదే, “మాస్ ర్యాంపేజ్” అంటే ఇదే అంటూ పండగ చేసుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి