ఇప్పటికే అల్లు అర్జున్ ఈ సినిమాకి ప్రత్యేకమైన ట్రాన్స్‌ఫర్మేషన్ చేస్తున్నారని, పాత్రకు సంబంధించిన బహిరంగ సమాచారం చాలా తక్కువగానే ఉన్నప్పటికీ, ఇది ఆయన కెరీర్‌లో అత్యంత భారీ ప్రాజెక్ట్‌లలో ఒకటిగా నిలుస్తుందని టాక్.ఇంతలోనే ఇండస్ట్రీలో మరో వార్త పెద్దగా వినిపిస్తోంది. యాక్షన్ సినిమాలకు నూతన నిర్వచనం ఇచ్చిన తమిళ దర్శకుడు లోకేష్ కనగరాజ్ ఇటీవల అల్లు అర్జున్‌ను ప్రత్యేకంగా కలిసినట్లు సన్నిహిత వర్గాలు చెబుతున్నాయి. పలు బ్లాక్‌బస్టర్ చిత్రాలతో పాన్–ఇండియా స్థాయిలో తన మార్క్‌ను చూపించిన లోకేష్, బన్నీకి ఓ పవర్‌ఫుల్ స్క్రిప్ట్ వినిపించాడనే సమాచారం ఫిల్మ్ నగర్‌లో చక్కర్లు కొడుతోంది.
అంతేకాకుండా ఇది కేవలం కోర్టసీ మీటింగ్ కాదు, భవిష్యత్తులో ఇద్దరి కాంబినేషన్‌లో భారీ యాక్షన్ డ్రామా ఒకటి దాదాపుగా లాక్ అయ్యే అవకాశాలున్నాయనే టాక్ కూడా తీవ్రంగా వినిపిస్తోంది. అయితే ఇప్పటి వరకు ఈ వార్తలపై అల్లు అర్జున్ గారు, లోకేష్ కనగరాజ్ గారు లేదా వారి టీమ్‌లు ఎలాంటి అధికారిక స్పందన ఇవ్వలేదు. కానీ అభిమానుల్లో మాత్రం కొత్త రేంజ్ ఉత్సాహం. ఎందుకంటే బన్నీ యాక్షన్ మరియు స్టైల్‌కు గ్లోబల్ లెవల్లో గుర్తింపు తెచ్చుకున్న స్టార్. మరోవైపు, లోకేష్ కనగరాజ్ తన సినిమాల్లో హీరోలకు ఇచ్చే ఎలివేషన్లు, కథనంలో ఉండే ఉత్కంఠ, రా యాక్షన్‌కు అంతర్జాతీయ ప్రమాణాలు జోడించడం అన్ని కలిపి ఒక కలల కలయికలా మారవచ్చు.
ప్రస్తుతం అట్లీ సినిమా పూర్తి అయిన తరువాత బన్నీ చేయబోయే తదుపరి ప్రాజెక్టులు ఏవి? పెద్ద మాస్ యాక్షన్ ఎంటర్టైనర్ చేస్తారా? లేక పాన్–ఇండియా స్పెషల్ స్క్రిప్ట్‌ను సెలెక్ట్ చేస్తారా? అన్న ప్రశ్నలు పరిశ్రమలో హాట్ టాపిక్‌గా మారాయి.ఇప్పుడు ఈ లోకేష్ కనగరాజ్ వార్త బయటకు రావడంతో అంచనాలు మరింత పెరిగాయి. నిజంగానే ఈ ఇద్దరి కాంబినేషన్ ఒకరోజు కన్ఫర్మ్ అయితే, అది సౌత్ ఇండియన్ సినీ ఇండస్ట్రీలో మరో భారీ రికార్డులను తెచ్చే ప్రాజెక్ట్ అవుతుందనే చెప్పడం అతిశయోక్తి కాదు.మరి ఈ మీటింగ్ నిజంగా తదుపరి సినిమా కోసం జరిగిందా? లేక కేవలం సౌజన్య సమావేశమా? అన్నది అధికారిక ప్రకటన వచ్చే వరకు సస్పెన్సుగానే ఉండబోతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి