ఈ చిత్రంలో వెంకటేష్ కూడా ఒక కీలక పాత్రలో కనిపించబోతున్నారు. సంక్రాంతి సీజన్ను లక్ష్యంగా చేసుకుని చిత్ర యూనిట్ స్పెషల్ ప్లానింగ్ చేస్తోంది. “సంక్రాంతికి వస్తున్నాం” అని మెగాస్టార్ ఇప్పటికే ప్రకటించగా, ఇప్పుడు వెంకీ మామ జాయిన్ కావడంతో ఎంటర్టైన్మెంట్ డోస్ మరింత పెరిగే అవకాశాలు కనిపిస్తున్నాయి. చిరంజీవి–వెంకటేష్ కాంబినేషన్ తెరపై కనిపించడం చాలా అరుదు. అందుకే ఈ కాంబో మీద ఫ్యాన్స్ మాత్రమే కాదు, సాధారణ ప్రేక్షకుల్లోనూ భారీ హైప్ కనిపిస్తోంది.అనీల్ రావిపూడి ఇటీవల ఈ సినిమా గురించి చేసిన వ్యాఖ్యలు మాత్రం ప్రత్యేకంగా నిలిచాయి. “మెగాస్టార్ నుంచి ఒక సంపూర్ణ ఫ్యామిలీ ఎంటర్టైనర్ వచ్చి దాదాపు 20 సంవత్సరాలు అయ్యింది. ఆ 20 ఏళ్ల తర్వాత ఇక మళ్లీ చిరంజీవిగారి నుంచి అలాంటి ఫ్యామిలీ అండ్ ఫన్తో నిండిన సినిమా రాబోతోంది. మన శంకర వరప్రసాద్ గారు పూర్తిస్థాయి ఫ్యామిలీ ఎంటర్టైనర్గా ఉండబోతోంది. అంతేకాదు, ఈ సంక్రాంతికి ప్రేక్షకులకు డబుల్ ఎంటర్టైన్మెంట్ అందించబోతున్నాం” అని ఆయన విశ్వాసంగా వెల్లడించడంతో అంచనాలు మరింత పెరిగాయి.
అలాగే ఈ సినిమా కథ, పాత్రలు, సెట్లు అన్నీ ఫ్యామిలీ ఆడియెన్స్కి కనెక్ట్ అయ్యేలా డిజైన్ చేసినట్లు సమాచారం. చిరంజీవి హాస్య టైమింగ్, ఆయన ఎనర్జీ, నయనతార గ్లామర్ మరియు పెర్ఫార్మెన్స్, వెంకటేష్ ప్రత్యేక పాత్ర – ఇవన్నీ కలిపి భారీ ఎంటర్టైన్మెంట్ ప్యాక్గా రూపుదిద్దుకుంటున్నట్లు తెలుస్తోంది. అనీల్ రావిపూడి స్టైల్లో పంచ్ డైలాగులు, కామెడీ ట్రాక్లు, భావోద్వేగం అన్నీ పుష్కలంగా ఉండే అవకాశం ఉంది. ఇన్ని అంశాలు కలిపి చూస్తే, మెగాస్టార్ అభిమానులు ఎన్నాళ్లుగానో ఎదురుచూస్తున్న ఆ ఫుల్ మీల్స్ ఎంటర్టైనర్ 2026 సంక్రాంతి కానుకగా రాబోతుందని చెప్పడానికి ఎటువంటి సందేహం లేదు. ఇది చిరంజీవి కెరీర్లో మరో పెద్ద ఫ్యామిలీ బ్లాక్బస్టర్గా నిలిచే అవకాశాలు కనిపిస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి