సమంత రూత్ ప్రభు, రాజ్ నిడిమోరు పెళ్లి వ్యవహారం ఇప్పుడు సోషల్ మీడియాలో చర్చనీయాంశంగా మారింది. సమంత పెళ్లి ఫోటోలు షేర్ చేస్తూ చేసిన పోస్ట్కు ఏకంగా 85 లక్షలకు పైగా వ్యూస్ వచ్చాయి. ఇది ఒక విధంగా సమంతకి అభిమానులు ఇస్తున్న అభినందనగా చెప్పుకోవచ్చు. అయితే, ఈ శుభ సందర్భంలోనే ఒక అనూహ్య పరిణామం జరిగింది.
గతంలో సమంతకి పర్సనల్ మేకప్ స్టైలిస్ట్ గా పని చేసిన సాధ్నా సింగ్, సమంతను ఇన్స్టాగ్రామ్లో అన్ ఫాలో చేశారు. అంతేకాకుండా, ఆమె ఒక సంచలన పోస్ట్ కూడా చేశారు. "బాధితురాలిగా విలన్ బాగా నటించింది" అని సాధ్నా సింగ్ తన ఇన్స్టాగ్రామ్ స్టోరీలో పేర్కొన్నారు. ఎవరిని ఉద్దేశించి ఆమె ఈ వ్యాఖ్యలు చేశారనే దానిపై సాధ్నా సింగ్ స్పష్టత ఇవ్వకపోయినా, ఆమె స్టోరీ పెట్టిన సమయం, సమంతను అన్ ఫాలో చేసిన తీరు చూస్తుంటే, ఆమె వ్యాఖ్యలు సమంతను ఉద్దేశించే అయి ఉంటాయని సినీ వర్గాలు, నెటిజన్లు భావిస్తున్నారు.
సాధ్నా సింగ్ పెట్టిన ఈ పోస్ట్ ప్రస్తుతం సోషల్ మీడియాలో హాట్ టాపిక్గా మారింది. సమంత అభిమానులు సాధ్నా సింగ్పై మండిపడుతుండగా, మరికొందరు ఆమె వ్యాఖ్యల వెనుక ఉన్న కారణాలను అన్వేషించే పనిలో పడ్డారు. గతంలో సమంతతో సాధ్నా సింగ్కు ఎలాంటి విభేదాలు వచ్చాయి అనే దానిపై ప్రస్తుతం చర్చ జరుగుతోంది.
సమంత రూత్ ప్రభు వ్యక్తిగత జీవితం, ముఖ్యంగా ఆమె మొదటి విడాకులు, ఆరోగ్యం గురించి గత కొంతకాలంగా ఆమె వార్తల్లో నిలుస్తున్నారు. ఈ నేపథ్యంలో, సాధ్నా సింగ్ చేసిన ఈ వ్యాఖ్యలు కొత్త వివాదానికి తెర తీశాయి. సమంత, సాధ్నా సింగ్ మధ్య విభేదాలకు కారణమేమిటో స్పష్టంగా తెలియాల్సి ఉంది. స్టార్ హీరోయిన్ సమంత త్వరలో కెరీర్ పరంగా కూడా బిజీ కానున్నారని తెలుస్తోంది. సమంత పారితోషికం ప్రస్తుతం 3 నుంచి 6 కోట్ల రూపాయల రేంజ్ లో ఉందని సమాచారం అందుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి