అయితే ఇప్పుడు వరకు ఎంతో మంది తల్లిదండ్రులు తమ పిల్లల పుట్టిన తేదీలను అదృష్టంగా భావించి ఇక అదే రోజు ఎన్నో మంచి పనులు చేయడం చూశాము. కానీ ఇక్కడ మాత్రం ఒక విచిత్రకరమైన ఘటన జరిగింది. ఏకంగా పిల్లల పుట్టిన తేదీలే ఆ తల్లిదండ్రులకు కోట్ల రూపాయలు తెచ్చిపెట్టాయ్. అదేంది పుట్టిన తేదీలు కోట్ల రూపాయలు ఎలా తెచ్చిపెడతాయి.. వినడానికి విడ్డూరంగా ఉంది అని అనుకుంటున్నారు కదా. కానీ ఇది ఇక్కడ నిజంగానే జరిగింది. ఏకంగా పిల్లల పుట్టిన తేదీలు ఆ తల్లిదండ్రులకు 11.6 కోట్ల రూపాయలను తీసుకొచ్చి పెట్టాయి అని చెప్పాలి. ఇక ఈ విషయం తెలిసి ప్రతి ఒక్కరు కూడా షాక్ అవుతున్నారు.
ఇంతకీ ఏం జరిగిందంటే.. అమెరికాలోని ఇల్లీ నాయిస్ కు చెందిన ఒక మహిళకు 1. 4 మిలియన్ల రూపాయల లాటరీ తగిలింది. అంటే భారత కరెన్సీ ప్రకారం 11.60 కోట్ల రూపాయలు లాటరీలో గెలుచుకుంది సదరు మహిళ. అయితే పిల్లల పుట్టిన తేదీలతో ఉన్న లాటరీ గేమ్ ఆడిన ఆమెకు ఇలా అదృష్టం కలిసి వచ్చింది. 6 - 8 - 16 - 17 - 20 ఆమె లక్కీ నెంబర్లు. ఇక ఈనెల ఏడవ తేదీన ఆ భారీ మొత్తానికి చెక్ అందుకున్న ఆమె వ్యక్తిగత వివరాలను వెల్లడించడానికి మాత్రం పెద్దగా ఆసక్తిని చూపించలేదు. ఇక ఈ నెలకు ఏకంగా 5,50,000 మంది లాటరీ టికెట్ కొనుగోలు చేయగా ఇక సదరు మహిళ మాత్రం లక్కీ విన్నర్ గా నిలిచింది అని చెప్పాలి.
