శ్రీనివాసరావు చెప్పుతూ.." 2024 ఫిబ్రవరి 7న రూ.20 లక్షలు, ఫిబ్రవరి 14న మరో రూ.20 లక్షలు, ఫిబ్రవరి 28న మరో రూ.20 లక్షలు కేశినేని చిన్ని పీఏ మోహన్‌కి ట్రాన్స్ఫర్ చేశానని" చెప్పారు. అంతేకాదు, గొల్లపూడి ప్రాంతంలో తన స్నేహితుల ద్వారా దాదాపు రూ.3.5 కోట్లు నగదుగా ఇచ్చానని ఆయన పేర్కొన్నారు. మొత్తం మీద ఐదు కోట్ల రూపాయల లావాదేవీ జరిగిందని ఆయన తెలిపారు.అంతేకాకుండా, “ఈ విషయానికి సంబంధించిన అన్ని బ్యాంక్ ట్రాన్సాక్షన్ వివరాలు నా దగ్గర ఉన్నాయి. నేను ఏం చెప్పినా దానికి సాక్ష్యాలున్నాయి. రేపు ఈ వ్యవహారం గురించి పూర్తి వివరాలు బయటపెడతాను” అని కోలికపూడి బహిరంగంగానే తెలిపారు. ఆయన పెట్టిన పోస్టులో “నిజం గెలవాలి… నిజమే గెలవాలి” అనే వాక్యం ఇప్పుడు సోషల్ మీడియాలో ట్రెండింగ్ టాపిక్‌గా మారిపోయింది.
ఈ ఆరోపణలతో రాజకీయ వర్గాల్లో చర్చలు మళ్లీ వేడెక్కాయి. టిడిపి లోపల కూడా ఇది పెద్ద వివాదానికి దారితీసే అవకాశం కనిపిస్తోంది.మరోవైపు, ఈ ఆరోపణలపై ఎంపీ కేశినేని చిన్ని కూడా కౌంటర్ ఇచ్చారు. ఆయన స్పందిస్తూ — “తిరువూరులో దొంగనే దొంగ అని అరుస్తున్నారు. ఆయన ముందుగా సాక్ష్యాలు చూపాలి. నేను డబ్బు సంపాదించుకోవాలంటే తిరువూరు రావాల్సిన అవసరం నాకు లేదు. తిరువూరు ఎమ్మెల్యే వ్యవహారశైలి గురించి పార్టీ హైకమాండ్‌కు ఇప్పటికే సమాచారం వెళ్లింది” అని వ్యాఖ్యానించారు. ఇదిలా ఉండగా, సోషల్ మీడియాలో ఈ ఇద్దరి మధ్య జరిగిన ఆరోపణల, ప్రతిఆరోపణల యుద్ధం ఇప్పుడు పెద్ద చర్చనీయాంశమైంది. రాజకీయ పరిశీలకులు ఈ ఘటనను “టిడిపి లోపలి అంతర్గత పోరు బహిరంగానికి వచ్చిన సంకేతం”గా వ్యాఖ్యానిస్తున్నారు. కొంత మంది "టీడీపీలో దొంగలున్నారు జాగ్రత్త" అంటూ సెటైర్స్ వేస్తున్నారు. "ఏది నిజం? ఎవరి ఆరోపణలు నిజమవుతాయి? ఈ వ్యవహారం ఎటు దారి తీస్తుందో చూడాలి . కానీ, ఒక విషయం మాత్రం ఖచ్చితంగా చెప్పొచ్చు — ఏపీ రాజకీయాల్లో ఈ వివాదం దుమారం రేపుతోంది!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి