అయితే ఈ ప్రక్రియలోనే పార్టీని వేధిస్తున్న రెండు ప్రధాన సమస్యలు ఉన్నాయంటున్నారు విశ్లేషకులు.
మొదటిది రాష్ట్రస్థాయి నాయకులు తమ అనుచరులను క్షేత్రస్థాయిలోని పదవులకు సిఫారసు చేస్తున్నారు. దీనిపై సమగ్రంగా పరిశీలన లేకుండానే పదవులు కేటాయిస్తున్నారని పార్టీ అంతర్గత వర్గాలే చెబుతున్నాయి. ఫలితంగా నిజంగా కష్టపడ్డ వర్కర్లు, గ్రాస్‌రూట్ లెవల్ యాక్టివిస్టులు వెనుకబడిపోతున్నారు. ఇక రెండోది గతంలో పార్టీ కోసం ప్రాణాలకు తెగించి పనిచేసిన, కేసులు ఎదుర్కొన్న నాయకులను పట్టించుకోవడం లేదన్న భావన. వీరికి గుర్తింపు లేకపోవడంతో అసంతృప్తి వ్యక్తమవుతోంది. కొంతమంది కార్యకర్తలు “మేము అధికారంలో ఉన్నప్పుడు వాడుకున్నారు, ఇప్పుడు పక్కనబెట్టారు” అని బహిరంగంగానే చెబుతున్నారు.
జగన్ గతంలో ఈ తరహా వాదనలపై స్పందిస్తూ, “పార్టీకి కష్టపడ్డ ప్రతి కార్యకర్తకు న్యాయం చేస్తాం” అని హామీ ఇచ్చారు. అయితే ఆ హామీలు క్షేత్రస్థాయిలో అమలు అవ్వడంలేదని మరో విమర్శ వినిపిస్తోంది. నాయకత్వం ఇచ్చిన ఆదేశాలు లోకల్ లెవల్‌లో దారి మళ్లుతున్నాయన్న అభిప్రాయం కూడా బలపడుతోంది. ఈ పరిస్థితుల్లో వైసీపీ సంస్థాగత బలం పెంచే క్రమంలో విశ్వసనీయతే ప్రధాన సవాల్‌గా మారిందని చెప్పాలి. కార్యకర్తలు “మమ్మల్ని గుర్తిస్తారన్న నమ్మకం” కోల్పోతే, ఎన్ని మార్పులు చేసినా ఫలితం ఉండదు. కాబట్టి జగన్ తన హామీలు నిజంగా నేలమీద అమలు అవుతున్నాయా అనే విషయంపై వ్యక్తిగతంగా ఫాలోఅప్ చేయడం తప్పనిసరి. సంస్థాగతంగా బలోపేతం కావాలంటే కేవలం పదవులు ఇవ్వడం కాదు, కష్టపడ్డవారిని గుర్తించి న్యాయం చేయడమే అసలు బలం. లేదంటే విశ్వసనీయతే వైసీపీకి మళ్లీ అడ్డంకిగా మారే ప్రమాదం ఉందని రాజకీయ విశ్లేషకుల అభిప్రాయం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి