ప్రస్తుతం అయోధ్యను ప్రపంచస్థాయి ఆధ్యాత్మిక మరియు టూరిజం హబ్గా తీర్చిదిద్దే పనులు వేగంగా జరుగుతున్నాయి. అద్భుతమైన వాస్తుశిల్పంతో నిర్మించిన రామమందిరం, విస్తృతమైన ప్రదేశ అభివృద్ధి, రహదారి సౌకర్యాలు, ఎయిర్పోర్ట్ విస్తరణ, రాయల్టీ కలిగిన అతిథి గృహాలు – ఇవన్నీ అయోధ్యను అంతర్జాతీయ పర్యాటకులకు చేరువ చేస్తున్నారు. ప్రముఖుల అంచనాల ప్రకారం ప్రస్తుతం అయోధ్య ద్వారా సుమారు 8,000 కోట్ల నుండి 12,000 కోట్ల రూపాయల వరకు వార్షిక ఆదాయం వస్తుందని భావిస్తున్నారు. ఇది కేవలం ప్రారంభ దశ మాత్రమే అని అంటున్నారు.
అయోధ్య ఆధ్యాత్మిక నగరంగా అభివృద్ధి చెందడంతో చుట్టుపక్కల ప్రాంతాలు కూడా టూరిజం మరియు బిజినెస్ రంగాల్లో వేగంగా ఎదుగుతున్నాయి. హోటళ్ల సంఖ్య పెరగడం, కొత్త రవాణా మార్గాలు ఏర్పాటు చేయడం, పర్యాటకులకు అవసరమైన అన్ని సౌకర్యాలూ అందుబాటులోకి రావడం వల్ల వ్యాపార అవకాశాలు మరింతగా పెరుగుతున్నాయి. ప్రత్యేకంగా దేవాలయ పర్యాటకాన్ని కేంద్రంగా చేసుకుని హస్తకళలు, భోజన సాంస్కృతిక పథకాలు, గైడ్ సేవలు, ధర్మ సంబంధిత కార్యకలాపాలు, యాత్రికుల కోసం ప్రత్యేక భవనాలు మొదలైన అనేక రంగాల్లో కొత్త అవకాశాలు వెలుగుచూస్తున్నాయని అధికారులు చెబుతున్నారు.
ఈ వేగంతో అభివృద్ధి కొనసాగితే 2028 నాటికి అయోధ్య ద్వారా దాదాపు 18,000 కోట్ల రూపాయలకుపైగా ఆదాయం వస్తుందని ఆర్థిక నిపుణులు అంచనా వేస్తున్నారు. ఇది కేవలం ఒక దేవాలయ ప్రదేశం మాత్రమే కాదు, దేశ ఆర్థిక వ్యవస్థకు కూడా ముఖ్య కేంద్రంగా మారనుందని వారి అభిప్రాయం. ఆధ్యాత్మికత, సాంప్రదాయం, టూరిజం, బిజినెస్ – ఇవన్నీ సమన్వయమై ఒక కొత్త యుగాన్ని ప్రారంభించబోతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి