అప్పట్లో తన అందచందాలతో కుర్రకారుకు నిద్రలేకుండా చేసిన సిల్క్ స్మిత అసలు పేరు విజయలక్ష్మి. ఈమె1960 డిసెంబర్ 2న పశ్చిమగోదావరి జిల్లా, ఏలూరు సమీపంలో ఒక నిరుపేద కుటుంబంలో జన్మించింది.ఇక ఆర్థిక ఇబ్బందుల కారణంగా నాలుగవ తరగతి వరకూ చదువుకొని తరువాత చదువుకు స్వస్తి చెప్పింది. అయితే ఈమెకు పేదరికం కారణంగా చిన్నతనంలోనే వివాహం చేశారు. కానీ భర్త, అత్తగారు పెట్టే బాధలు తట్టుకోలేక ఇంటి నుంచి వచ్చేసిన సిల్క్ స్మిత, సినీ నటి కావాలనే ఆకాంక్షతోనే మద్రాసులోని తన అత్త ఇంటికి చేరింది. ఇక తన పేరును కూడా స్మిత గా మార్చుకొని, అలా తెలిసిన వారి దగ్గర నటనలో నైపుణ్యం సంపాదించింది.
ఇక  సిల్క్ స్మిత మొదటి చిత్రం తమిళంలో వండి చక్రం. 1979లో విడుదలైన ఈ చిత్రంలో ఆమె పేరు సిల్క్. ఇలా అక్కడ ప్రజాదరణ బాగా పొందడంతో ఆమె తన పేరును సిల్క్ స్మిత గా మార్చుకుంది. ఇక క్రమంగా ఆమె సినీ రంగంలో ప్రముఖ నటిగా నిలదొక్కుకుంది. మొత్తం తెలుగు, తమిళ్, హిందీ, మలయాళ భాషల్లో సినిమాల్లో కలుపుకొని, దాదాపు 450 చిత్రాల్లో నటించింది. సిల్క్ స్మిత చివరి నాలుగేళ్లలో దాదాపు రెండు వందల చిత్రాల్లో నటించింది. ఇక తన మీద  ఈర్ష  తో కొంతమంది తన మీద పూకార్లు సృష్టిస్తున్నారని ఆవేదన వ్యక్తం చేసింది..
ఒకరోజు షూటింగ్ సందర్భంగా సిల్క్ స్మిత చేతి నుండి జారిన ఆపిల్ కోసం అభిమానులు ఎగబడ్డారు. అయితే ఆపిల్ ను వేలం వేయగా, అప్పట్లోనే 120 రూపాయలుకు కొన్నాడు ఒక అభిమాని. అంతలా ఆమె అభిమానులలో క్రేజ్ ని సంపాదించుకుంది. అయితే సిల్క్ స్మిత ఎప్పుడూ కూడా గ్లామర్ క్వీన్ అనిపించుకోవాలని అనుకోలేదు. సావిత్రి, సరిత,సుజాత మంచి నటిగా పేరు తెచ్చుకోవాలని ఉంది తనకు అలాంటి పాత్రలు ఇవ్వాలని దర్శకులను కోరింది.కానీ ప్రతి ఒక్కరూ ఆమెను సెక్సీ డ్రెస్ లోనే చూడాలనుకున్నారు. కానీ రాజ్ కుమార్ మాత్రం ఆమె అందంగా చూడాలనుకున్నారట. సిల్క్ స్మిత తన ఫేమ్ ని, పక్కనపెట్టి నార్మల్ జీవితం లీడ్ చేయాలని ఆశ పడింది. కానీ గ్లామర్ ఫీల్డ్ తనను జీవితంలో సెటిల్ అవ్వనీలేదు.. అంతేకాకుండా అప్పట్లో సిల్క్ స్మిత, రజనీకాంత్ ల మధ్య ఏదో ఉందని పెద్ద ఎత్తున ప్రచారం కూడా జరిగింది. అప్పట్లో రజనీకాంత్ కంటే సిల్క్ స్మితకే అభిమానులు ఎక్కువగా ఉండటంతో ఆమెను చూసేందుకు ప్రేక్షకులు తెగ ఎగబడేవారు.కానీ సిల్క్ స్మిత ఒక వ్యక్తితో ప్రేమలో మోసపోయిన కారణంగానే ఆత్మహత్య చేసుకున్నట్లు కూడా చెబుతున్నారు. ఈమె చనిపోయేముందు నటి అనురాధను కలవాలనుకునే కాల్ చేసింది. కానీ ఆ రోజు రాత్రి వేళ కావడంతో అనురాధ వెళ్ళలేదు. తెల్లవారేసరికి సిల్క్ స్మిత ఆత్మహత్య చేసుకుంది. 1996 సెప్టెంబర్ 23న మద్రాసులో తన నివాస గృహంలో మరణించింది.

మరింత సమాచారం తెలుసుకోండి: