కనీసం ఐదో మ్యాచ్ లో అయినా గెలుస్తుందా లేదా అనే అపనమ్మకం తోనే టీవీ చూడటం మొదలుపెట్టారు. ఈ క్రమంలోనే నాలుగు ఓవర్ లో రుతురాజ్ వికెట్ కోల్పోయాడు. దీంతో ఇక మళ్లీ అభిమానులకు నిరాశ ఎదురైంది. ఇక అంతలోనే రాబిన్ ఉతప్ప ఒకవైపు నుంచి శివం దుబే మరో వైపు నుంచి ఎంతో దూకుడుగా ఆడుతూ ఉండడంతో అభిమానులు అందరిలో కూడా ఆశలు రేకెత్తాయి. విజయం సాధిస్తుందో లేదో అని అనుమానం నుంచి విజయం సాధిస్తే బాగుండు అనే వరకు వచ్చారు అభిమానులు. ఈ క్రమంలోనే ఇద్దరూ భారీ స్కోర్లు చేశారు. ముఖ్యంగా శివమ్ దూబే 46 బంతుల్లోనే వీరవిహారం చేసి 95 పరుగులు చేశాడు.
అతని దూకుడు చూస్తే ఇక సెంచరీ సాధించడం పక్క అని అందరూ అనుకున్నారు. కానీ ఊహించని రీతిలో 95 పరుగుల వద్ద వికెట్ కోల్పోయి నిరాశతో పెవిలియన్ చేరాడు శివమ్ దూబే. అయితే చెన్నై విషయంలో అతనిది ఎంత కీలక పాత్రను ప్రత్యేకంగా చెప్పాల్సిన పనిలేదు. అతనికి ప్లేయర్ ఆఫ్ ది మ్యాచ్ అవార్డు కూడా దక్కింది. అయితే కొంతమంది అభిమానులు శివమ్ దూబే సెంచరీ మిస్ అయింది అని నిరాశ పడుతూ ఉంటే మరి కొంతమంది అభిమానులు మాత్రం సెంచరీ మిస్ అయితే ఏంటి చెన్నై జట్టుకు మొదటి విజయాన్ని అందించి మా మనసులు గెలిచావు పో అంటు కామెంట్లు చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి