ఇటీవల కాలంలో గల్లీ క్రికెట్ నుంచి అంతర్జాతీయ క్రికెట్ వరకు కూడా అంతటా ఫీల్డింగ్ ప్రమాణాలు మరింత మెరుగైన నేపథ్యంలో ఎక్కడ చూసినా కూడా ఇక ఇలా అద్భుతమైన ఫీల్డింగుకు సంబంధించిన వీడియోలే వైరల్ గా మారిపోతున్నాయ్. ఇటీవల ఇలాంటి తరహా వీడియో ఒకటి సోషల్ మీడియాలో తెగచక్కర్లు కొట్టింది అన్న విషయం తెలిసిందే. ఇక గల్లి క్రికెట్లో ఇలాంటిది జరిగినప్పటికీ ఏకంగా మాస్టర్ బ్లాస్టర్ సచిన్ టెండూల్కర్ ను సైతం ఈ ఫీల్డింగ్ ఆశ్చర్యపరిచింది అని చెప్పాలి. ఇక ఈ వీడియో పై స్పందించాడు సచిన్ టెండూల్కర్. స్థానికంగా జరిగిన ఒక మ్యాచ్లో బ్యాట్స్మెన్ భారీ షాట్ కొట్టగా బౌండరీ లైన్ వద్ద ఫీల్డింగ్ చేస్తున్న యువకుడు ఏకంగా చేతిలో క్యాచ్ ఒడిసి పట్టుకున్నాడు.
ఇక బౌండరీ లైన్ దగ్గర బ్యాలెన్స్ కోల్పోవడంతో బంతిని గాల్లోకి ఎగరేసి లైన్ అవతలికి దాటాడు. ఈ క్రమంలోనే మళ్ళీ కిందికి పడిపోతున్న బంతిని తన కాలితో ఫుట్బాల్ తరహాలోనే కిక్ ఇచ్చాడు. ఇక ఆ తర్వాత ఆ బంతి వెళ్లి పక్కనే ఉన్న మరో ఫీల్డర్ చేతిలో పడింది. దీంతో ఈ వీడియో వైరల్ గా మారిపోయింది. ఈ వీడియో పై స్పందించిన సచిన్ అతనికి ఫుట్బాల్ ఆడటం కూడా తెలుసేమో.. అందుకే అలా చేశాడు అంటూ ప్రశంసల కురిపించాడు.
