ఢిల్లీ ఆడిన నాలుగు మ్యాచ్ లలో మూడింట మాత్రమే గెలిచి రెండవ స్థానంలో కొనసాగుతోంది. యూపీ వారియర్స్ రెండు మ్యాచ్ లు గెలిచి మూడవ స్థానంలో ఉంది. ఇక గుజరాత్ జాయింట్స్ 1 గెలవగా, బెంగుళూరు జట్టు మాత్రం నాలుగింట ఓడిపోయి నాక్ అవుట్ స్టేజ్ కు చేరుకుంటుందా అన్న సందేహాన్ని కలిగించింది. బెంగుళూరు టాప్ 3 లో ఉంటేనే టైటిల్ ను గెలుచుకునే అవకాశం ఉంటుంది. ఇక మిగిలిన నాలుగు మ్యాచ్ లలో విజయం సాధిస్తేనే అది సాధ్యం అవుతుంది. అప్పుడు కూడా ఇతర జట్ల గెలుపు ఓటముల మీద ఆధారపడాల్సి వస్తుంది. ఇక ఎన్నో అంచనాలతో బెంగుళూరు జట్టు యాజమాన్యం మహిళల ఐపీఎల్ ను ఆరంభించింది. పురుషుల లీగ్ లో ఇప్పటి వరకు సాధించని టైటిల్ ను కనీసం మహిళల సారధ్యంలో అయినా చేజిక్కించుకోవాలని ఆశపడింది.
కానీ అనుకున్నది ఒక్కటి అయినది మరొక్కటి లాగా బెంగుళూరు టీం చతికిలపడి ఆడిన నాలుగు మ్యాచ్ లలోనూ ఓడిపోయి యాజమాన్యాన్ని మరియు అభిమానులను నిరాశకు గురిచేసింది. ముఖ్యంగా మహిళల ఇండియన్ టీం స్టార్ బ్యాటర్ స్మృతి మందన్న వరుసగా ఫెయిల్ అవుతుండడమే కారణం అంటూ క్రికెట్ విశ్లేషకులు అభిప్రాయపడుతున్నారు. మరి తర్వాత మ్యాచ్ లలో అయినా స్మృతి పుంజుకుని టీం ను టాప్ 3 లో నిలుపుతుందా చూడాలి. మరికాసేపట్లో ఢిల్లీ తో జరగబోయే మ్యాచ్ బెంగుళూరు కు చావో రేవో మ్యాచ్ అని చెప్పాలి. టీం లో ఉన్న రిచా ఘోష్, పెర్రీ మరియు డివైన్ లు రాణిస్తే విజయం దక్కినట్లే.
