ഇടുക്കി കുട്ടിക്കാനത്തിനടുത്ത് വളഞ്ഞാങ്ങാനത്ത് ചരക്കു ലോറി മറിഞ്ഞ് മൂന്നുപേർ മരിച്ചു. തമിഴ്നാട് നിന്നും കോട്ടയത്തേക്ക് തേങ്ങയുമായി പോയ ലോറിയാണ് അപകടത്തില്പ്പെട്ടതെന്നാണ് ലഭിക്കുന്ന്ന വിവരം . ലോറിയില് ഉണ്ടായിരുന്ന മൂന്ന് പേരും സംഭവസ്ഥലത്തു വെച്ചു തന്നെ മരണമടഞ്ഞു. മൂന്നു പേരും തമിഴ്നാട് സ്വദേശികളാണ്.
പുലര്ച്ചെ രണ്ടു മണിയോടെ അപകടമുണ്ടായത്. കൊടും വളവുകളും തിരിവുകളും കയറ്റിറക്കങ്ങളും ഒരു വശം കൊക്കയുമുള്ള മലമ്പാതയില് ഡ്രൈവര് ഉറങ്ങിപ്പോയതാകാം അപകടകാരണമെന്നാണ് പൊലീസിന്റെ പ്രാഥമിക നിഗമനം.
ഭൂമിനാഥന് എന്നയാളെ തിരിച്ചറിയാന് സഹായിച്ചത് അപകട സമയത്ത് ഇയാളുടെ പോക്കറ്റില് നിന്നും കണ്ടെത്തിയ ഐഡി കാര്ഡില് നിന്നുമാണ്. ഇയാളുടെ ബന്ധുക്കളെ വിവരം അറിയിച്ചിട്ടുണ്ട്. അവര് എത്തിയാല് മാത്രമേ ബാക്കിയുള്ളവരെ യഥാക്രമം തിരിച്ചറിയാൻ സാധിക്കുകയുള്ളു.
click and follow Indiaherald WhatsApp channel