എഎൻപിആർ - ഫാസ്ടാഗ് സംവിധാനം എന്താണ്?എങ്ങനെ ഇത് ദേശീയ പാതകളിൽ നടപ്പാകും! മേയ് ഒന്ന് മുതൽ സാറ്റ്‍ലൈറ്റ് അധിഷ്ഠിത ടോൾ പിരിവ് ആരംഭിക്കുകയാണെന്ന തരത്തിൽ പ്രചരിച്ച വാർത്തകൾ നിഷേധിച്ചു കൊണ്ടുള്ള പത്രക്കുറിപ്പിലാണ് സർക്കാർ അടുത്തതായി നടപ്പാക്കാൻ പോകുന്ന നവീന ടോൾ പിരിവ് സംവിധാനമായ എഎൻപിആർ - ഫാസ്ടാഗിനെ (ANPR FASTag) കുറിച്ചുള്ള വിശദാംശം പങ്കുവെച്ചത്. ഈയൊരു പശ്ചാലത്തിൽ എഎൻപിആർ - ഫാസ്ടാഗ് സംബന്ധിച്ച വിശദാംശം ചുവടെ ചേർക്കുന്നു. ഇന്ത്യയിലെ ദേശീയപാതകളിൽ തടസ്സങ്ങളില്ലാതെ സഞ്ചരിക്കുന്നതിന് സഹായിക്കുമെന്ന് പ്രതീക്ഷിക്കപ്പെടുന്ന പുതിയ ഇലകട്രോണിക് ടോൾ പിരിവ് സംവിധാനം നടപ്പാക്കാൻ പോകുകയാണെന്ന് കേന്ദ്ര സർക്കാർ ഇക്കഴിഞ്ഞ വെള്ളിയാഴ്ച (ഏപ്രിൽ 18) അറിയിച്ചിരുന്നു.ഈ പ്രവർത്തനങ്ങൾക്കിടയിലൊന്നും വാഹനം നിർത്തേണ്ടിവരില്ല എന്നതാണ് എഎൻപിആർ സംവിധാനത്തിന്റെ സവിശേഷത.
ഇതിലൂടെ ടോൾ കേന്ദ്രങ്ങളിലെ തിരക്ക് ഗണ്യമായി കുറയുകയും തടസ്സരഹിതമായി വാഹനങ്ങൾക്ക് യാത്ര ചെയ്യാനും സാധിക്കുന്നു. അതേസമയം ഇനാക്ടീവായ ഫാസ്ടാഗോ അക്കൗണ്ടിൽ മതിയായ ബാലൻസ് തുകയില്ലാത്തതോ എഎൻപിആർ സംവിധാനം മുഖേന കണ്ടെത്തിയാൽ ടോൾ നൽകാതെ കടന്നുപോകുന്ന വാഹനങ്ങളുടെ ഉടമകൾക്ക് നിയമം പാലിക്കാത്തതിന്റെ പേരിലുള്ള ഇ-ചെല്ലാനുകൾ നൽകും. ഇത്തരം കുറ്റങ്ങൾ ആവർത്തിച്ചാൽ ഫാസ്ടാഗ് അക്കൗണ്ട് റദ്ദാക്കാനുള്ള നടപടികളും സ്വീകരിക്കുമെന്നാണ് കേന്ദ്ര സർക്കാർ ഏപ്രിൽ 18-ന് പിഐബി പോർട്ടലിൽ പ്രസിദ്ധീകരിച്ച പത്രക്കുറിപ്പിൽ വ്യക്തമാക്കിയിരിക്കുന്നത്. ടോൾ കേന്ദ്രങ്ങളുടെ സമീപത്തേക്ക് വാഹനം എത്തുന്നവേളയിൽ, വാഹനത്തിന്റെ നമ്പർ പ്ലേറ്റിന്റെ ചിത്രം എഎൻപിആർ ക്യാമറ ഒപ്പിയെടുക്കും. അതേസമയം തന്നെ ആർഎഫ്ഐ‍ഡി സ്കാനറുകൾ വാഹനത്തിന്റെ വിൻഡ്ഷീൽ‍ഡിൽ ഒട്ടിച്ചിട്ടുള്ള ഫാസ്ടാഗ് ലേബൽ വായിച്ചെടുക്കുകയും ചെയ്യുന്നു.
രണ്ട് സങ്കേതങ്ങളിൽ നിന്നും ലഭിച്ച വിവരം ഡേറ്റാബേസിലെ വിവങ്ങളുമായി ഒത്തുനോക്കുന്നു. അതൊരു ആക്ടീവായ ഫാസ്ടാഗും അക്കൗണ്ടിൽ ടോൾ നൽകുന്നതിനുള്ള ബാലൻസും ഉണ്ടെങ്കിൽ ലിങ്ക് ചെയ്ത അക്കൗണ്ടിൽ നിന്നും ടോൾ തുക ഓട്ടോമാറ്റിക്കായി ഈടാക്കുകയും ചെയ്യുന്നു. എന്താണ് എഎൻപിആർ ഫാസ്ടാഗ്? ദേശീയപാതകളിലെ ടോൾ കേന്ദ്രങ്ങളിലൂടെ തടസ്സരഹിതമായി സഞ്ചരിക്കുന്നതിന് സഹായിക്കുന്ന അതിനൂതന ഇലക്ട്രോണിക് ടോൾ പിരിവ് സംവിധാനമാണ് എഎൻപിആർ ഫാസ്ടാഗ്. പ്രധാനമായും രണ്ട് സാങ്കേതികവിദ്യകളുടെ സംയോജനത്തിലൂടെയാണ് എഎൻപിആർ ഫാസ്ടാഗ് നിർമിച്ചിരിക്കുന്നത്.
ടോൾ കേന്ദ്രങ്ങളിലൂടെ വാഹനങ്ങൾ കടന്നുപോകുന്ന വേളയിൽ അതിന്റെ നമ്പർ പ്ലേറ്റ് കൃത്യമായി വായിച്ചെടുക്കാൻ ശേഷിയുള്ള ഉന്നത നിലവാരത്തിലുള്ള ക്യാമറ അടങ്ങിയ സംവിധാനമായ ഓട്ടോമാറ്റിക് നമ്പർ പ്ലേറ്റ് റെക്കഗ്നീഷൻ (എഎൻപിആർ), നിലവിൽ പ്രവർത്തനക്ഷമമായ റേഡിയോ ഫ്രീക്വൻസി ഐഡന്റിഫിക്കേഷൻ സംവിധാനത്തോടെയുള്ള ഫാസ്ടാഗ് എന്നിവ സംയോജിപ്പിച്ചാണ് എഎൻപിആർ ഫാസ്ടാഗ് സജ്ജമാക്കുന്നത്.
Find out more:
click and follow Indiaherald WhatsApp channel