బంధాలకు బంధుత్వాలకు విలువ ఇవ్వకుండా అడవుల్లో ఉండే మృగాల కంటే మరింత క్రూరంగా మారిపోతున్న మనిషి చివరికి సొంత వారి ప్రాణాలు తీయడానికి కూడా వెనకడుగు వేయని పరిస్థితి కనిపిస్తుంది. ఏకంగా చాక్లెట్ తిన్నంత ఈజీగా ప్రాణాలను గాల్లో కలిపేస్తున్నారు. రక్తం పంచుకొని పుట్టిన పిల్లల విషయంలో కూడా కనీసం మానవత్వాన్ని చూపించడం లేదు అని చెప్పాలి. ఇక్కడ వెలుగులోకి వచ్చిన ఘటన కూడా ఈకోవలోకి చెందినదే. ఏకంగా భార్య మీద కోపంతో అభం శుభం తెలియని కన్నకూతురు ఉసురు తీసుకున్నాడు ఇక్కడ ఒక తండ్రి.
ఈ ఘటన స్థానికులు అందరిని కూడా ఒక్కసారిగా ఉలిక్కిపడేలా చేసింది. ఈ దారుణం ఎక్కడో కాదు హైదరాబాద్ నగరంలో వెలుగులోకి వచ్చింది. చంద్రశేఖర్ అనే వ్యక్తికి హేమ అనే మహిళతో 12 ఏళ్ల క్రితం వివాహం జరిగింది. అయితే ఏడాది క్రితం అతని ఉద్యోగం పోయింది. దీంతో భార్యాభర్తల మధ్య ఆర్థిక సమస్యల కారణంగా విభేదాలు వచ్చాయి. అయితే భార్య కూతురు మోక్షాజ్ఞను తీసుకొని పుట్టింటికి వెళ్ళిపోయింది. ఇక భార్యపై కక్ష పెంచుకున్న చంద్రశేఖర్ స్కూల్లో ఉన్న కూతురికి మాయమాటలు చెప్పి తనతో పాటు తీసుకెళ్లాడు. చందానగర్లో గొంతు కోసి హత్య చేశాడు. అయితే ఇక ఈ హత్యను ప్రమాదంగా చిత్రీకరించేందుకు ఓ ఆర్ ఆర్ వైపు వెళ్లి చివరికి అబ్దుల్లా మెట్ పోలీసులకు దొరికిపోయాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి