అయితే.. ఈ నోట్ల రద్దు సమయంలో ఆంధ్రజ్యోతి పత్రిక ఎండీ రాధాకృష్ణ వందల కోట్ల స్కామ్ చేసారట.. హైదరాబాద్లోని బంగారం షాపుల వాళ్లను బెదిరించి కోట్ల రూపాయల స్కామ్ చేశారట.. ఈ విషయాన్ని ఇప్పుడు ఏపీ కాపునేత ముద్రగడ పద్మనాభం ఆరోపిస్తున్నారు. ఇటీవల ఓ ఇంటర్వ్యూలో ఓ నాయకుడితో ఆర్కే మాట్లాడుతూ.. ముద్రగడ పద్మనాభంపై ఏవో ఆరోపణలు చేశారట. దీంతో ఆయనకు కోపం వచ్చింది. వెంటనే ఆంధ్రజ్యోతి రాధాకృష్ణకు ఓ లేఖ రాశారు.
ఆ లేఖ ఇప్పుడు మీడియా సర్కిల్లో హాట్ టాపిక్ అవుతోంది. ఆ లేఖలో ముద్రగడ పద్మనాభం ఆర్కేపై ఎన్నో ఆరోపణలు చేశారు. అయితే అవన్నీ ఎప్పుడూ వినేవే.. పెద్ద కొత్తగా ఉన్నవేవీ లేవు. కానీ.. ఈ నోట్ల రద్దు ఆరోపణ మాత్రం కొత్తగా ఉంది. నోట్ల రద్దు సమయంలో నేలమాళిగలో దాచుకున్న కోట్ల డబ్బును బంగారం షాపుల వాళ్లను బెదిరించి, చలామణీలోకి తీసుకువచ్చారనేది ముద్రగడ విమర్శ..
మరి ఈ విమర్శలో ఎంత వాస్తవం ఉందనేది చెప్పలేం.. పెద్దనోట్ల రద్దు సమయంలో మాత్రం చాలా కుంభకోణాలు జరిగినట్టు పత్రికల్లో వార్తలు వచ్చాయి. కానీ ఇలా ఓ పత్రికాధిపతిపై మాత్రం ఇలాంటి ఆరోపణలు ఊహించేవి కావు. మరి ఇందులో వాస్తవం ఎంతో వారికే తెలియాలి. అయితే.. ఈ లేఖపై సదరు ఆంధ్రజ్యోతి ఆర్కే స్పందిస్తే ఏమైనా విషయాలు వెలుగులోకి రావచ్చు. కానీ ఆయన ఇలాంటి ఆరోపణలను పట్టించుకుంటారని చెప్పలేం. ఆధారాలు లేని ఇలాంటి ఆరోపణలు ఎంత మందిపైనైనా ఎన్నైనా చేయొచ్చు. కానీ అవి వాదనకు నిలబడవు కదా.