ముఖ్యంగా, భోజనం చేసిన వెంటనే ఫ్రిడ్జ్ వాటర్ తాగడం అత్యంత ప్రమాదకరమని వారు స్పష్టం చేస్తున్నారు. ఇలా చేయడం వల్ల మీరు తిన్న ఆహారం గట్టిపడి, సులభంగా డైజెస్ట్ కాకుండా అడ్డుకుంటుందట. అంతేకాదు, ఇది శరీరంలో కొవ్వు పేరుకుపోవడానికి నేరుగా కారణమవుతుందని వివరిస్తున్నారు.
కేవలం అజీర్తి సమస్యలే కాదు, ఈ కూల్ వాటర్ అలవాటు పళ్ల ఆరోగ్యాన్ని కూడా దెబ్బతీస్తుందంటున్నారు వైద్యులు. పళ్లు జివ్వుమనడం, చిగుళ్ల నొప్పులు, పళ్లు వదులవడం వంటి దంత సంబంధిత సమస్యలు చల్లటి నీటి వల్ల వస్తాయని చెబుతున్నారు. వీటితో పాటు, గొంతు ఇన్ఫెక్షన్లు, తరచుగా జలుబు చేయడం, దగ్గు రావడం వంటివి కూడా ఈ అలవాటు దుష్ఫలితాలే అని వారు గుర్తు చేస్తున్నారు.
శరీర సహజ రోగనిరోధక శక్తి కూడా చల్లటి నీటి వల్ల క్రమంగా తగ్గిపోతుందని, తద్వారా చిన్న చిన్న అనారోగ్యాలు కూడా పెద్ద సమస్యలుగా మారే అవకాశం ఉందని నిపుణులు హెచ్చరిస్తున్నారు. మలబద్ధకం వంటి జీర్ణక్రియ సమస్యలు కూడా చల్లటి నీరు ఎక్కువగా తాగేవారిలో సాధారణంగా కనిపిస్తాయి.
మరీ ముఖ్యంగా, ఫ్రిడ్జ్ నీటి విషయంలో మరింత అప్రమత్తంగా ఉండాలని సూచిస్తున్నారు. 24 గంటలకు మించి ఫ్రిడ్జ్‌లో నిల్వ ఉంచిన నీటిలో హానికరమైన బాక్టీరియా వృద్ధి చెందే అవకాశాలు చాలా ఎక్కువని, అది కడుపు సమస్యలతో పాటు ఇతర ఆరోగ్య సమస్యలకు దారితీస్తుందని నిపుణులు హెచ్చరిస్తున్నారు.
కాబట్టి, వేసవిలో దాహాన్ని తీర్చుకోవడానికి సురక్షితమైన, ఆరోగ్యకరమైన పద్ధతులను ఎంచుకోవడం ఉత్తమం. సాధారణ కుండలోని నీరు, గోరువెచ్చని నీరు తాగడం ఆరోగ్యానికి ఎంతో మేలు చేస్తుంది. చల్లటి నీటి మోజులో ఆరోగ్యాన్ని పణంగా పెట్టవద్దని వైద్యులు బలంగా సూచిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి