కాంచన, అధినాయకుడు... చిత్రాల్లో నటించిన లక్ష్మీరాయ్ ఒక పత్రిక పై కేసు వేసింది. తన మీద అసత్య ప్రచారం చేస్తున్నారంటూ లక్ష్మీరాయ్ తన ఫిర్యాదులో పేర్కొంది.
లక్ష్మీరాయ్ ప్రస్తుతం సెల్వకుమార్ దర్శకత్వంలో ఒక తమిళ సినిమాలో నటిస్తుంది. ఈ చిత్రంలో హీరో, లక్ష్మీరాయ్ ల గురించి ‘కుముదం’ అనే పత్రిక ఒక కథనం ప్రచురించింది. అయితే ఈ కథనం పూర్తి అసత్యమని, ఈ వార్తతో తన గౌరవానికి భంగం కలుగుతుందని లక్ష్మీరాయ్ చెన్నై హైకోర్టులో పిటీషన్ దాఖలు చేసింది.
తనపై అవాస్తమైన కథనం ప్రచురించినందుకు తనకు క్షమాపణలు చెప్పాలని, 30 లక్షల రూపాయిల నష్ట పరిహారం చెల్లించాలని లక్ష్మీరాయ్ తన ఫిర్యాదులో డిమాండ్ చేసింది.
