ఈమె వైపు నుంచి ఒక అప్డేట్ కూడా రాకపోవడంతో అభిమానులు నిరాశ పడ్డారు. మరోవైపు దేత్తడి యూట్యూబ్ ఛానల్ లోనూ వీడియోలు క్రమంగా తగ్గుతుండటంతో ఈమె ఫ్యాన్స్ మరింత నిరాశ చెందారు. మిగిలిన కంటెస్టెంట్ లు అందరూ బిగ్ బాస్ తరువాత ఫుల్ బిజీగా మారడంతో... హారిక మాత్రం ఎటువంటి అప్డేట్ ఇవ్వకపోవడంతో అందరూ ఆశ్చర్యపోయారు. అయితే ఇన్నాళ్లకు సడన్ గా ఓ న్యూస్ చెప్పి ప్రేక్షకులను సర్ప్రైజ్ చేసింది దేత్తడి హారిక. తాను చేస్తున్న ఓ వెబ్ సిరీస్ ఫస్ట్ లుక్ ను విడుదల చేసింది. ఇక ఆ వెబ్ సిరీస్ కు 'ఏవండోయ్ ఓనర్ గారు' అనే టైటిల్ ను ఫైనల్ చేశారు. ఈ టైటిల్ వింటేనే ఇది ఫుల్ ఎంటర్టైన్మెంట్ గా ఉండనుందని అర్థమవుతోంది.
ఇక ఈ పోస్టర్ చూస్తే హారిక డామినేషన్ హండ్రెడ్ పర్సెంట్ కనిపిస్తోంది. అతి త్వరలోనే ఈ వెబ్ సిరీస్ ప్రముఖ ఓటీటీలో స్ట్రీమింగ్ కు సిద్దం అవుతుందని తెలుస్తోంది. ఇది కాక ఓ స్టార్ సినిమా లో కీలక పాత్ర కోసం హారికను ఎంపిక చేసినట్లు సమాచారం. ప్రస్తుతం హారిక చేసే 'దేత్తడి' యూట్యూబ్ చానెల్కు (మిలియన్) 10 లక్షలకు వరకు సబ్స్క్రైబర్లు ఉన్నారు. ఇది చూస్తేనే ఆమె రేంజు ఎంత పెరిగిందో అర్థం చేసుకోవచ్చు. ఇలా సర్ప్రైజ్ ల మీద సర్ప్రైజ్ ఇస్తోంది దేత్తడి హారిక. మరి అతి త్వరలోనే సినిమాల్లో మెయిన్ హీరోయిన్ గా మారాలని అభిమానులు కోరుకుంటున్నారు.