తమిళంలో 96 , మాస్టర్ , కర్ణన్ వంటి చిత్రాల్లో నటించి మంచి గుర్తింపు తెచ్చుకున్నారు గౌరీ కిషన్. తాను కూడా ఇలాంటి వేధింపులు ఎదుర్కొన్నట్లు బాంబు పేల్చింది. అయితే ఆ స్కూలు పేరు తో పాటు వేధించిన ఉపాధ్యాయుడి పేర్లను మాత్రం వెల్లడించనని చెప్పింది. ఈ అంశంపై ఆమె మాట్లాడుతూ నేను మాత్రమే కాదు నా స్నేహితులకు కూడా అలాంటి అనుభవం ఎదురైంది. అడయారు లోని ఓ పాఠశాలలో చదువుకునే రోజుల్లో కొంతమంది ఉపాధ్యాయులు మా పట్ల అసభ్యంగా ప్రవర్తించే వారు. ముఖ్యంగా కులం పేరుతో దూషించడం, విద్యార్థినుల శరీరాకృతి గురించి నీచంగా కామెంట్ చేయడం ఇలా అనేక అంశాలపై సభ్యత లేకుండా మాట్లాడేవారు అని తెలిపింది.
ఇలా ప్రవర్తించిన ఉపాధ్యాయుల పేర్లు ఇప్పుడు వెల్లడించడం భావ్యం కాదు. అదే సమయంలో మనకు జరిగిన ఇలాంటి సంఘటనల గురించి బహిర్గతం చేస్తే కొంత మేరకు అవగాహన ఏర్పడుతుంది. వచ్చే జనరేషన్ కు చెందిన విద్యార్థులకు ఇలాంటి అనుభవాలు ఎదురు కాకూడదని అభిమతమని వెల్లడించింది. ఆమె సినిమా కెరియర్ కి వస్తే ప్రస్తుతం కొన్ని సినిమా అవకాశాలు సంపాదించుకొని హీరోయిన్ గా రోజుకి ఎదిగిపోతుంది గౌరీ కిషన్. అందం అభినయంతో ఆమె ప్రేక్షకులను ఆకట్టుకుని మరిన్ని సినిమా అవకాశాలు పొందాలని కోరుకుందాం..